ធ្លាប់តែច្រៀងរាំ ឡូវមកឃើញ Jennie ដើរម៉ូតនៅអ៊ីតាលី លេងទឹកមុខញាក់

អ៊ីតាលី៖ ដូចដែលប្រិយមិត្តបានជ្រាបហើយថា Jennie ដែលជាសមាជិកម្នាក់ក្នុងក្រុមចម្រៀងនារី BLACKPINK នៅតែបន្តទទួលបានការគាំទ្រនិងចាប់អារម្មណ៍ខ្លាំងបើទោះបីជា នាងបានចាកចេញពីផលិតកម្ម YG Entertainment ហើយបន្តសកម្មភាពទោលក្រោមឈ្មោះផលិតកម្ម ODD ATELIER ជាផលិតកម្មរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Jennie ក៏ត្រូវគេប្រទះឃើញថាបានទៅទីក្រុង Capri ប្រទេសអ៊ីតាលី ដោយបានចូលរួមកម្មវិធីដើរម៉ូតរបស់ម៉ាកយីហោ Jacquemus ដ៏ល្បីល្បាញធ្វើឡើងនៅលើដំបូលអគារ Casa Malaparte អាចមើលឃើញទេសភាពកោះ Capri បាន​ច្បាស់​។

យ៉ាងណាមិញ លើកនេះនាងមិនត្រឹមតែចូលរួមជាភ្ញៀវទេគឺ Jennie បានបង្ហាញមុខក្នុងនាមជាតារាបង្ហាញម៉ូតលើកដំបូងបង្អស់ ដោយបានដើរម៉ូតបិទកម្មវិធី "La Casa" ក្នុងឱកាសខួប១៥ឆ្នាំរបស់ម៉ាកយីហោនេះ។

ក្នុងរូបភាពដែលត្រូវចែកចាយពេញបណ្ដាញសង្គម Jennie បានស្លៀករ៉ូបពណ៌ខ្មៅវាលក្លៀកសម្រុងវែងដល់ក្រោមជង្គង់ និងសិតសក់ឡើងរាបស្អាត ព្រមទាំងកាន់កាបូបពណ៌ផ្ទៃមេឃ ដើរយ៉ាងជឿជាក់ និងលេងទឹកមុខសមជាតារាបង្ហាញម៉ូតមែនទែនរហូតអ្នកគាំទ្រសរសើរថា នាងពិតជាមានដុងខាងសិល្បៈជាច្រើន មិនមែនតែរាំនិងច្រៀងនោះឡើយ៕

ប្រភព៖: teenvogue

• រូបភាព
• តារាកូរ៉េ