ខានឃើញមួយរយៈ Taylor Swift ចេញបណ្ដើរមិត្តៗ លេងស្ទាយ៍ញាក់

អង់គ្លេស៖ Taylor Swift គឺជាកំពូលតារាចម្រៀងផបដ៏ល្បីឈ្មោះរបស់អាមេរិក ដែលជារឿយៗនាងតែងតែត្រូវគេចាប់អារម្មណ៍ដោយសារតែភាពល្បីល្បាញ និងសមត្ថភាពរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទោះបីនាងរវល់ជាមួយនឹងការរៀបចំការប្រគុំតន្ត្រី "The Eras Tour" ក៏ដោយក៏នៅតែមានពេលចែករំលែកឲ្យមិត្តៗរបស់នាង។ ជាក់ស្ដែងកាលពីថ្ងៃទី១២ខែមិថុនាកន្លងទៅនេះ គេបានប្រទះឃើញ Taylor បានចួបជុំមិត្តភក្តិស្និទ្ធស្នាលរបស់នាង ដើម្បីទទួលទានអាហារពេលល្ងាច។

នាងបានណាត់ចួបតារាបង្ហាញម៉ូត Cara Delevingne, Kate Moss, Lena Dunham, Stella McCartney, Andrew Scott និង Phobe Waller-Bridge នៅឯភោជនីយដ្ឋាន Casa Cruz ឯទីក្រុង ឡុងដ៍ ចក្រភពអង់គ្លេស។

ក្នុងនោះ Taylor Swift បានស្លៀកពាក់ឈុតខ្មៅយ៉ាងស្រស់ស្អាតនិងស៊ីវិល័យខ្លាំង គឺអាវចោមពុងបែបខ័រសេត និងខោវែងពណ៌ខ្មៅ ពាក់ពីលើដោយអាវធំវែងពណ៌​ប្រផេះ ស្បែកជើងកែងពណ៌ឈាមជ្រូក និងទម្លាក់សក់​យ៉ាងស្រស់ស្អាត៕

ប្រភព៖: pagesix

• រូបភាព
• តារាអន្តរជាតិ