ខុសគ្នាឡើង១៥ឆ្នាំ តែហ្វេនថា Cha Eunwoo ដូចគូស្នេហ៍របស់ហាន់ជីអ៊ុន ពេលឈរជិតគ្នាអ៊ីចឹងទៅ

កូរ៉េខាងត្បូង៖ ត្បិតថាមានអាយុ៤២ឆ្នាំហើយក៏ដោយក៏ Song Hye Kyo ឬអ្នកគាំទ្រនៅកម្ពុជាស្គាល់ក្នុងនាមជា "ហាន់ ជីអ៊ុន" នៅតែស្រស់ស្អាតសាច់ចាំ និងមើលទៅក្មេងជាងវ័យខ្លាំង ហើយថ្មីៗនេះ អ្នកគាំទ្រលាន់មាត់សរសើរនាង ពេលនាងឈរជិតតារាសម្ដែងប្រុស Cha Eunwoo។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រូបភាពដែលអ្នកទាំងពីរបានឈរជិតគ្នាដើម្បីថតរូប ទទួលបានការចាប់អារម្មណ៍ខ្លាំងណាស់ បន្ទាប់ពីពួកគេទាំងពីរបានចូលរួមកម្មវិធីមួយរបស់ម៉ាក Chaumet ។

ក្នុងនោះ Song Hye Kyo បានស្លៀករ៉ូបពណ៌ក្រហមសម្រុងលុបជើង មូរសក់បែបទឹករលកទម្លាក់ពេញលើស្មា ដោយពាក់គ្រឿងអលង្ការយ៉ាងចែងចាំង ខណៈ Cha Eunwoo វិញស្លៀកឈុតអាវធំពណ៌ខ្មៅ យ៉ាងស្រស់សង្ហា ដែលពេលឈរក្បែរគ្នាអ៊ីចឹងទៅ អ្នកគាំទ្រថាអ្នកទាំងពីរមើលទៅដូចអាយុស្មើគ្នា ដូចជាគូស្នេហ៍មួយដ៏ស្រស់ស្អាតនិងស្រស់សង្ហា ហើយបានទាមទារឲ្យពួកគេចូលរួមសម្ដែងក្នុងរឿងភាគជាមួយគ្នាទៀតផង៕  

ប្រភព៖: allkpop

• រូបភាព
• តារាកូរ៉េ