សូមចូលរួមរំលែកទុក្ខ អ្នកអង្គម្ចាស់ ស៊ីសុវត្តិ កុលឆ័ត ព្រះនត្តាក្សត្រាទួត នៃព្រះករុណា ព្រះបាទសម្តេចព្រះស៊ីសុវត្ថិ ព្រះបរមរាជានុកោដ្ឋ បានសុគត នូវព្រះជន្ម ៨១ព្រះវស្សា

ភ្នំពេញ៖ អ្នកអង្គម្ចាស់ ស៊ីសុវត្តិ កុលឆ័ត ព្រះនត្តាក្សត្រាទួត នៃព្រះករុណា ព្រះបាទសម្តេចព្រះស៊ីសុវត្ថិ ព្រះបរមរាជានុកោដ្ឋ បានសុគត នៅថ្ងៃទី១៥ ខែមិថុនា ឆ្នាំ២០២៤ ក្នុងព្រះជន្ម ៨១ វស្សា ដោយព្រះរោគាពាធ ។

ព្រះសព​ និងរៀបតម្កល់​ ប្រារព្ធពិធីបុណ្យតាមគន្លងប្រពៃណី​ព្រះពុទ្ធសាសនា​ នៅវត្តបុទុមវត្ថីរាជវររាម ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកអង្គម្ចាស់ ស៊ីសុវត្តិ កុលឆ័ត ដែលត្រូវជាព្រះបុត្រា អ្នកអង្គម្ចាស់ក្សត្រា ស៊ីសុវត្ថិ វឌ្ឍឆាយាវង្ស អតិតនាយករដ្ឋមន្ត្រីខ្មែរ ( ២៥/កក្កដា/១៩៤៧ ដល់ថ្ងៃទី ២០/កុម្ភៈ/១៩៤៨) ជាមួយព្រះអង្គម្ចាស់ក្សត្រីយ៍ សុីសុវត្ថិ សុដារង្សី ( ជាព្រះរាជបុត្រីហ្លួង សុីសុវត្ថិ មុនីវង្ស និងព្រះអង្គម្ចាស់ក្សត្រីយ៍ សុីសុវត្ថិ សុីសុដា )

ក្រុមការងារខ្មែរឡូតសូមសម្តែងនវព្រះមរណ:ទុក្ខ ដ៍ក្រៀមក្រំជាមួយ អ្នកម្នាង ម៉ែន​ ចន្ទទេវី និងក្រុមព្រះញាតិ នៃព្រះសព ចំពោះការយាងសុគត របស់អ្នកអង្គម្ចាស់ ស៊ីសុវត្តិ កុលឆ័ត

សូមព្រះវិញ្ញាណក្ខន្ធ អ្នកអង្គម្ចាស់ បានយាងទៅកាន់ព្រះសុគតិភពកុំឃ្លៀងឃ្លាតឡើយ ។

ប្រភព៖ ក្រុមព្រះសុរិយា