ស្លៀករ៉ូបផ្កាឈូកអ៊ីចឹងទៅ សុគន្ធ នីសា កាន់តែស្អាតដូចទេពធីតាដើរដី

កម្ពុជា៖ ប្រិយមិត្តប្រាកដជាបានស្គាល់ហើយថាអ្នកនាង សុគន្ធ នីសា គឺជាតារាចម្រៀងរៀមច្បងមួយរូប ដែលនៅតែរក្សាសម្រស់ក្មេងជាងវ័យ និងទឹកដមសំឡេងដ៏ពីរោះក្រអៅក្រអួន គួរជាទីទាក់ចិត្តអ្នកស្ដាប់ឲ្យលន្លង់លន្លោច តាមបទចម្រៀងដែលអ្នកនាងបានច្រៀង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកនាងក៏ជាតារាមួយរូបដែលកម្រស្លៀកពាក់បង្ហាញសាច់ណាស់ ដោយជាទូទៅស្ទាយ៍របស់អ្នកនាងគឺបែបស្រស់ស្អាត ថ្លៃថ្នូរ និងទន់ភ្លន់ ហើយរូបថតប៉ុន្មានសន្លឹកដែលអ្នកនាងបានបង្ហោះចុងក្រោយគេនេះ ក៏នៅតែធ្វើឲ្យអ្នកគាំទ្រសរសើរមិនដាច់ពីមាត់។

ក្នុងនោះ គេឃើញថាអ្នកនាងបានស្លៀករ៉ូបពណ៌ផ្កាឈូកដិត របៀបជាស្បៃៗ សម្រុងវែងអូសដី និងកអក្សរ V ព្រមទាំងបួងសក់ឡើង បង្ហាញរង្វង់មុខដ៏ស្រស់ស្អាត ព្រមជាមួយនឹងការផាត់មុខបែបផ្កាឈូកៗស៊ីនឹងឈុតផងដែរ ដែលសំខាន់នោះទីតាំងថតគឺនៅមាត់សមុទ្រ ធ្វើឲ្យមើលទៅ សម្រស់របស់អ្នកនាងវ៉ាដាច់សមុទ្រទៅហើយ ព្រោះអ្នកនាងស្រស់ស្អាតដូចទេពធីតា៕

• រូបភាព
• តារាខ្មែរ