Song Joong Ki នាំភរិយា និងកូនប្រុស ចេញមកកម្សាន្តយ៉ាងមានក្ដីសុខ

កម្សាន្ត៖ តារា​សម្ដែងប្រុស លោក Song Joong Ki និង​ភរិយា​ តារា​សម្ដែង Katy Louise Saunders បាន​ទាក់ទាញការចាប់អារម្មណ៍ ពេលបង្ហាញខ្លួននាំ​កូន​ប្រុស ​ទៅ​ដើរ​លេង​តាម​ផ្លូវ​ កាល​ពី​ថ្ងៃ​ទី ១៦ ខែ​មិថុនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើ Instagram របស់អ្នកប្រើប្រាស់ម្នាក់ បានបង្ហោះរូបភាព តារាសម្ដែង លោក Song Jong Ki និងប្រពន្ធរបស់ខ្លួន បាននាំកូនរបស់ពួកគេ ទៅលេងនៅទីក្រុងសេអ៊ូល។ តាមរយៈរូបភាពដែលបានបង្ហាញឡើង គ្រួសារ​ដែល​មាន​សមាជិកបី​នាក់ ​សុទ្ធ​តែ​ស្លៀក​សម្លៀក​បំពាក់​រលុងបែប​សាមញ្ញ។ លោក Song Joong Ki បាន​រុញ​រទេះ​កូន​ប្រុស​របស់​ខ្លួន ខណៈដែលភរិយា បាន​ដើរ​ក្បែរ​គ្នា យ៉ាងរីករាយ។

មិនត្រឹមតែប៉ុណ្ណោះ ទស្សនិកជនជាច្រើនបានបញ្ចេញមតិថា បើប្រៀបធៀបទៅនឹងឆ្នាំមុន លោក Song Joong Ki ហាក់ដូចជាស្រកទម្ងន់ មើលទៅរាងស្គមជាងមុន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ