Jennie ស្លៀកពាក់ឡើង Swag ប៉ះ Billie Ellish ផ្អើលអស់ហ្វេនៗ

កូរ៉េខាងត្បូង៖ ដូចដែលប្រិយមិត្តបានជ្រាបហើយថា Jennie ដែលជាសមាជិកម្នាក់ក្នុងក្រុមចម្រៀងនារី BLACKPINK មិនត្រឹមតែមានឥទ្ធិពលលើវិស័យតន្ត្រីទេ តែក្នុងវិស័យដើរម៉ូត នាងក៏ចាត់ទុកជាបុគ្គលល្បីមួយរូបដែលអ្នកគាំទ្រចូលចិត្តស្លៀកពាក់ម៉ូតខោអាវតាមដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ភាពរួសរាយរាក់ទាក់របស់នាងបានធ្វើឲ្យ Jennie ស្គាល់តារាៗជាច្រើន មិនថាតារានៅក្នុងវិស័យ KPOP ឬតារាបរទេស ដែលថ្មីៗនេះ នាងបានចេញមកធ្វើឲ្យអ្នកគាំទ្រភ្ញាក់ផ្អើល ក្រោយលេចមុខក្នុងកម្មវិធីរៀបចំឡើងដោយ SPOTIFY នៅទីក្រុងសេអ៊ូល។

អ្វីដែលកាន់តែពិសេសនោះគឺ តារាចម្រៀងបរទេសស្រីដ៏ល្បីល្បាញ Billie Ellish ក៏បានចូលរួមដែរដោយ Jennie ដើរតួជាពិធីការិនីសម្ភាសន៍ តារាស្រីបរទេសរូបនេះដោយអ្នកទាំងពីរជជែកគ្នាយ៉ាងស្និទ្ធស្នាល។

ក្នុងនោះ Jennie បានស្លៀកខោអាវបែប Swag Swag ជាស្ទាយ៍ត្រូវនឹង Billie Ellish គឺអាវក្រៅពណ៌ខ្មៅរលុងៗ និងខោខោប៊យខ្លីកប់ក្រលៀន គូជាមួយអាវពណ៌សពាក់ពីក្នុង ព្រមទាំងចងសក់លើកខ្ពស់ឡើងលើ ពិតជាធ្វើឲ្យមើលទៅស្រស់ស្អាតបែបយុវវ័យទាន់សម័យ៕  

ប្រភព៖: koreaboo

• រូបភាព
• តារាអន្តរជាតិ
• តារាកូរ៉េ