ដល់មកឃើញស្បែកខាងក្រៅរបស់ Han So Hee អ៊ីចឹងទៅ ហ្វេនៗស្រែកថា Wow ហ្មង

កូរ៉េខាងត្បូង៖ ថ្វីត្បិតកាលពីដើមឆ្នាំ២០២៤កន្លងទៅ តារាសម្ដែងស្រី Han So Hee ជាប់រឿងអាស្រូវជាជនទី៣ ជាមួយនឹងអតីតមិត្តប្រុស Ryu Jun Yeol និង Lee Hyeri មែន តែប្រជាប្រិយភាពនាងនៅតែមានសន្ទុះ ហើយការងារផ្សេងៗក៏ចូលមកជាហូរហែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Han So Hee បានក្លាយជាប្រធានបទនៃការវែកញែកម្ដងទៀត ក្រោយរូបនាងបានបង្ហាញខ្លួនក្នុងកម្មវិធី Dior រៀបចំឡើងនៅទីក្រុងសេអ៊ូល ដែលក្នុងរូបថតនោះនាងបានថតជាមួយតារាសម្ដែងជប៉ុន Yuko Araki ។

ក្នុងរូបភាពនោះ គឺថតដោយមិនបានឆ្លងកាត់ការកែរូបអ្វីទេ ហើយ Han So Hee បានអង្គុយញញិមជិតតារាសម្ដែងស្រីជប៉ុនរូបនេះ មើលទៅនៅតែស្រស់ស្អាតដូចរាល់ដង តែអ្វីដែលគេកត់សម្គាល់នោះគឺ ស្បែកមុខនិងដងខ្លួនរបស់ Han So Hee សចាំងពេក រហូតក្លាយជាស្លេកបើប្រៀបធៀបនឹងស្បែករបស់ Yuko ធ្វើឲ្យមើលទៅដូចជារូបភាពកែអ៊ីចឹងធ្វើឲ្យអ្នកគាំទ្រចំហមាត់ មិននឹកស្មានថា ស្បែករបស់ Han So Hee សដល់ថ្នាក់នេះនៅខាងក្រៅសោះ៕  

ប្រភព៖: koreaboo

• រូបភាព
• តារាកូរ៉េ