ដើរឃើញកណ្ដាលព្រៃដឹងតែបះសក់! ផ្សិតម៉្យាងមានរូបរាងដូចម្រាមដៃម្រាមជើងមនុស្ស

យល់ដឹង៖ ផ្សិត គឺជារុក្ខជាតិម៉្យាងដែលមានច្រើនរាប់លានប្រភេទឯណោះ ប្រភេទខ្លះអាចយកមកធ្វើម្ហូបបាន ហើយប្រភេទខ្លះមិនអាចបរិភោគបាន ប្រភេទខ្លះទៀតក៏មានជាតិពុលផងដែរ។ ជាពិសេស ផ្សិតមានរូបរាងតូចៗ ហើយប្លែកៗពីគ្នា ហើយខ្លះទៀតក៏មានរូបរាងចម្លែក ដូចជា ផ្សិតម៉្យាងដែលមានរូបរាងដូចម្រាមដៃមនុស្សស្លាប់។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្សិត ដែលមានរូបរាងដូចម្រាមដៃម្រាមជើងសាកសពមនុស្សនេះ គេឲ្យឈ្មោះថា Dead Man’s Fingers (Xylaria polymorpha) បកប្រែមកថា ផ្សិតម្រាមដៃមនុស្សស្លាប់។ វាសំបូរដុះ​នៅ​ក្នុង​ចក្រភព​អង់គ្លេស និង​អៀរឡង់ ហើយ​វាក៏​ត្រូវ​បាន​គេ​រក​ឃើញ​ផង​ដែរ នៅអឺរ៉ុប​ដីគោក និង​នៅ​តំបន់​ជា​ច្រើន​នៃ​អាមេរិក​ខាង​ជើង។

ម៉្យាងទៀត ពួកវាដុះពេញមួយឆ្នាំនៅតាមគល់ឈើ - ភាគច្រើនជាឈើប៊ីច ប៉ុន្តែជួនកាលវាក៏ដុះលើឈើខ្លឹមដែលជាឈើកប់នៅលើដីផ្សេងទៀតដែរ។ ចំណែកឯ រូបរាង​ផ្លែ​របស់​ផ្សិត​នេះវិញ វា​លេច​ចេញ​ជា​ដុំ​ម្រាមដៃ​ពី​ បី​ទៅ​ប្រាំមួយ​ហើយវាថែមទាំងកោងពត់ ដូចជាម្រាមដៃមនុស្ស ប៉ុន្ដែពណ៌របស់វា ត្រូវបានគេប្រៀបប្រដូចទៅនឹងដៃរបស់សាកសពមនុស្ស។

ដោយសារតែរូបរាងគួរឲ្យខ្លាច របស់វា ផ្សិតនេះមិនត្រូវបានគេចាត់ទុកថាអាចបរិភោគបាននោះទេ ដែលអាចជាហេតុផលមួយដែលវានៅតែសំបូរពាសពេញដី សូម្បីតែនៅក្នុងគោលដៅដ៏ពេញនិយមក៏ដោយ៕

ប្រភព៖ Hasan Jasim