រៀបការបាន២ឆ្នាំ Jiyeon ក្រុម T-ARA និងស្វាមីបែរជាជួបរឿងមិនល្អបែបនេះ

កូរ៉េខាងត្បូង៖ អស់រយៈពេល២ឆ្នាំមកហើយដែល តារាចម្រៀងស្រី Jiyeon ដែលជាសមាជិកក្រុមចម្រៀងនារី T-ARA ដ៏ល្បីល្បាញនោះ បានរៀបអាពាហ៍ពិពាហ៍ជាមួយនឹង កីឡាករបាល់វាយកូនបាល់ Hwang Jae Gyun ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជីវិតរៀបការរបស់ពួកគេដែល Jiyeon បានបង្ហាញនៅលើ Youtube បញ្ជាក់ថាពួកគេពិតជាផ្អែមល្ហែមខ្លាំងណាស់ ហើយនាងក៏ដើរតួជាភរិយាល្អ មើលថែស្វាមីក៏ដូចជាចំអិនម្ហូបម្ហាឲ្យស្វាមីផងដែរ រហូតអ្នកគាំទ្រច្រណែននឹងជីវិតដូចព្រះនាងរបស់តារាស្រីរូបនេះ។

យ៉ាងណាមិញ ថ្មីៗនេះ Jiyeon បានចេញមុខមកប្រកាសថានាងនឹងផ្អាកការបង្ហោះវីដេអូនៅលើ Youtube បណ្ដោះអាសន្នសិន បន្ទាប់ពីស្វាមីរបស់នាងប្រឈមមុខនឹងការរិះគន់មិនសំចៃមាត់លើអត្តចរិតរបស់គេ។

ថ្មីៗនេះ Hwang Jae Gyun ត្រូវបានមហាជនរិះគន់ថាគេមានអត្តចរិតឆេវឆាវ ចូលចិត្តបង្កបញ្ហានៅលើទីលានពេលលេងម្ដង មិនថាជាមួយគ្រូបង្វឹកឬក្រុមទាំងមូលទេ ដែលជាហេតុបណ្ដាលឲ្យអ្នករិះគន់ទាំងនោះបានចូលទៅបញ្ចេញមតិរិះគន់ មិនល្អៗជាច្រើន នៅក្នុងវីដេអូ Youtube របស់តារាស្រី Jiyeon ៕  

ប្រភព៖: allkpop

• រូបភាព
• តារាកូរ៉េ