ចូលវ័យ ១៨ឆ្នាំភ្លាម កូនស្រី Tom Cruises ស្រាប់តែបង្ហាញភាពផ្អែមល្ហែម ជាមួយមិត្តប្រុស បែបនេះ

កម្សាន្ត៖ Suri Cruise ដែលត្រូវបានគេស្គាល់ថាជាកូនស្រីរបស់ តារាសម្ដែងប្រុស លោក​ Tom Cruise បានទាក់ទាញចំណាប់អារម្មណ៍ ពេលបានបង្ហាញសកម្មភាព ទំនាក់ទំនងស្នេហា ជាមួយនឹង មិត្តប្រុស Toby Cohen ដែលជាតារាចម្រៀង និងជាតន្ត្រីករ ដែលបានចូលរៀននៅវិទ្យាល័យដូចគ្នា បន្ទាប់ពីបានចូលរួមកម្មវិធីជាមួយគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Suri Cruise ត្រូវបានគេឃើញដើរកម្សាន្តជាមួយនឹង Toby Cohen នៅ Central Park ក្នុងទីក្រុង New York កាលពីថ្ងៃពុធទី ១៩ ខែមិថុនាកន្លងទៅនេះ​។ យោងតាមសារព័ត៌មាន Dailymail បានឱ្យដឹងថា Toby ពាក់ចិញ្ចៀនមាសនៅលើម្រាមដៃរបស់ខ្លួន អាចជា «ចិញ្ចៀនសន្យា» ទៅនឹង Suri ។

មិនត្រឹមតែប៉ុណ្ណោះ គូស្នេហ៍​វ័យក្មេង​មួយគូ​នេះ ​មាន​បង្ហាញពីសកម្មភាពស្នេហាដ៏រ៉ូមែនទិក ​ក្រោម​ដើម​ឈើ​ មិន​ញញើត​នឹង​បង្ហាញ​កាយវិការ​ស្និទ្ធស្នាល​ចំពោះ​គ្នា​។ ហើយនេះ​ជា​លើក​ទី​មួយ​ដែល Suri ប្រកាស​ពី​អារម្មណ៍​របស់​ខ្លួន​ជា​សាធារណៈ ដែលចាប់តាំងពីចូលអាយុ ១៨ ឆ្នាំមក កូនស្រីរបស់ Tom Cruise រូបនេះ បានបង្ហាញពីសេរីភាពជាងមុន៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ