ស្លៀករ៉ូបផ្កាឈូកស្រាលអ៊ីចឹងទៅ Jisoo ឡើងស្អាតទន់ភ្លន់បែបព្រះនាង

ជប៉ុន៖ បន្ទាប់ពីចាកចេញពីផលិតកម្ម YG Entertainment មក Jisoo ដែលជាសមាជិកម្នាក់ក្នុងក្រុមចម្រៀងនារី BLACKPINK នៅតែបន្តទទួលបានប្រជាប្រិយភាពពីអ្នកគាំទ្រ ហើយពេលនេះ នាងក៏បានក្លាយជាម្ចាស់ផលិតកម្មមួយឈ្មោះថា BLISOO ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នាងហាក់ស្ងប់ស្ងាត់មិនទាន់បង្ហើបតម្រុយពីការចេញចម្រៀងថ្មីទេតែក៏នៅតែបង្ហាញមុខនៅតាមកម្មវិធីនានា ហើយកាលពីថ្ងៃទី១២ខែមិថុនាកន្លងទៅ Jisoo បានចូលរួមកម្មវិធីរៀបចំឡើងដោយម៉ាក Dior ដែលនាងជាអ្នកតំណាងសាកល នៅឯទីក្រុងតូក្យូ ប្រទេសជប៉ុន។

ក្នុងនោះ គេឃើញថានាងបានបង្ហាញខ្លួនដោយស្លៀករ៉ូបពណ៌ផ្កាឈូកស្រាល បែបប៉ោងៗផ្នែកខាងក្រោមសម្រុងដល់កជើង ដែលឈុតនេះមានម៉ូតសាមញ្ញណាស់ តែរឹតតែលើកសម្រស់ Jisoo។ ផ្គួបជាមួយគ្នានោះ នាងបានមូរសក់ទឹករលកផ្នត់ធំ ទម្លាក់មកខាងមុខយ៉ាងស្រស់ស្អាត មើលទៅដូចជាព្រះនាងដ៏ទន់ភ្លន់៕

ប្រភព៖: kpopping

• រូបភាព
• តារាកូរ៉េ