មានសង្ឃឹមហើយ! YG ឆ្លើយតបបែបនេះ ទាក់ទងនឹងពាក្យចចាមអារ៉ាម វិលត្រឡប់មកវិញរបស់ 2NE1

កូរ៉េខាងត្បូង៖ ពិតណាស់ ត្បិតថា 2NE1 បានបំបែកក្រុមកាលពីឆ្នាំ២០១៦ហើយក្ដី ប៉ុន្តែកេរ្តិ៍ឈ្មោះរបស់សមាជិក CL, Minzy, Sandara និង Park Bom នៅតែល្បីរន្ទឺ ហើយក៏នៅតែបន្តទទួលប្រជាប្រិយភាពក៏ដូចជាការគាំទ្រពីសំណាក់ទស្សនិកជនផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ មានពាក្យចចាមអារ៉ាមមួយបានផ្ទុះឡើងថា 2NE1 អាចមករួមគ្នាម្ដងទៀតសម្រាប់ខួប១៥ឆ្នាំរបស់ក្រុមនេះ ដោយ លោក Yang Hyun Suk ត្រូវបានគេរាយការណ៍ថានឹងណាត់ចួបជាមួយសមាជិកទាំង៤រូបពាក់ព័ន្ធនឹងការវិលត្រឡប់មកវិញនេះ។

នាថ្ងៃទី២៥ខែមិថុនាកន្លងទៅ ខាងផលិតកម្ម YG Entertainment បានចេញមកបញ្ជាក់ថា លោក Yang Hyun Suk ដែលជាផលិតករជាន់ខ្ពស់ នឹងចួបជាមួយសមាជិកទាំង៤មែន ប៉ុន្តែគ្មានការបញ្ជាក់ណាមួយអាចធ្វើឡើងនាពេលនេះទេ។

គួរបញ្ជាក់ផងដែរថា 2NE1 បានចេញមកបង្ហាញខ្លួនលើកដំបូងជាមួយនឹងបទ "Fire" កាលពីឆ្នាំ២០០៨ មុននឹងរំសាយក្រុមនាខែវិច្ឆិកាឆ្នាំ២០១៦៕  

ប្រភព៖: allkpop

• រូបភាព
• តារាកូរ៉េ