មុខដូចក្មេង១៨ សឹងមិនជឿថា តារាកូរ៉េ Kim Sa Rang មានអាយុអាចធ្វើជីដូនគេបានទៅហើយ

កូរ៉េខាងត្បូង៖ យើងដឹងស្រាប់ហើយថា តារាកូរ៉េ ទាំងប្រុសទាំងស្រី ភាគច្រើនគឺពូកែថែរក្សាសម្រស់ខ្លាំងណាស់ ពួកគេត្រូវបានគេស្គាល់ថា ក្មេងជាងវ័យ២០ទៅ៣០ឆ្នាំឯណោះ។ មិនខុសគ្នានឹងតារាស្រីរូបនេះដែរ អ្នកលេងបណ្ដាញសង្គមកំពុងតែចាប់អារម្មណ៍ទៅលើសម្រស់ និង អាយុរបស់ Kim Sa Rang។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គេបានដឹងថា តារាស្រីរូបនេះ​ មានអាយុ 47 ឆ្នាំ (អាយុជាជនជាតិកូរ៉េ) តារារូបនេះនៅតែបង្ហាញភាពទាក់ទាញជាមួយនឹងរូបរាងដ៏ក្មេងជាងវ័យរបស់នាង។ ជាមួយគ្នានេះ Kim Sa Rang បានបង្ហោះរូបនៅក្នុងគណនី Instagram ដោយបង្អួតសម្រស់អមតៈរបស់ខ្លួន បញ្ចេញ​ស្បែក​ភ្លឺ​រលោង និង​សក់ខ្មៅរលោងស្រិល។

គួរបញ្ជាក់ផងដែរថា រូបនាងកើតនៅឆ្នាំ 1978 ហើយ Kim Sa Rang មានភាពល្បីល្បាញបន្ទាប់ពីបានឈ្នះការប្រកួតបវរកញ្ញាកូរ៉េក្នុងឆ្នាំ 2000។ ម៉្យាងទៀតនាងក៏ជាតារាសម្ដែងស្រីដ៏មានទេពកោសល្យមួយរូបផងដែរ ដែលនាងបានបង្ហាញខ្លួន នៅក្នុងរឿងភាគល្បីល្បាញ 'Secret Garden' និង 'A Love to Kill' ៕

• រូបភាព
• តារាកូរ៉េ