កម្សាន្ត៖ Suri Cruise ដែលជាកូនស្រីវ័យ ១៨ ឆ្នាំរបស់ តារាសម្ដែងប្រុស លោក Tom Cruise និង Katie Holmes បានបង្ហាញពីភាពរីករាយ ជាមួយនឹងការណាត់ជួប ជាមួយនឹងគូស្នេហ៍ ដែលជាតារាចម្រៀងវ័យក្មេង Toby Cohen ក្នុងទីក្រុង New York ថ្ងៃទី ២៧ ខែមិថុនា កន្លងទៅ។
Suri និង Toby Cohen ត្រូវបានគេឃើញ សម្លឹងមើលគ្នាយ៉ាងរំជើបរំជួល ពោរពេញដោយភាពផ្អែមល្ហែម ពេលកំពុងដើរលេង នៅតាមដងផ្លូវកាលពីថ្ងៃព្រហស្បតិ៍ ខណៈដែលរូបនាង មើលទៅមានភាពស្រស់ស្អាត ភ្លឺថ្លា បើទោះបីជា មិនបានផាត់មុខក៏ដោយ។ Suri ក៏បានតុបតែងខ្លួន ពាក់អាវយឺតពណ៌ស ជាមួយខោខ្លីពណ៌ផ្កាឈូក ខណៈពេលដែលមិត្តប្រុសរបស់នាង ពាក់អាវពណ៌ខៀវ និងខោធម្មតា។
ចាប់តាំងពី បានប្រកាសពីទំនាក់ទំនងជាមួយគ្នាមក Suri លែងខ្លាច ក្នុងការបង្ហាញស្នេហារបស់ខ្លួន ជាសាធារណៈទៀតហើយ ហើយពួកគេក៏ត្រូវបាន គេចាត់ទុកថា ជាគូស្នេហ៍ដ៏ល្អមួយ ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
