ថាកូនទៅ ស្អាតហើយ តែមកមើលសម្រស់ម្ដាយ សៀវឡុងនី កាន់តែស្អាត

កម្សាន្ត៖ អ្នកស្រី Liu Xiaoli ដែលត្រូវបានគេស្គាល់ថា ជាម្តាយរបស់ តារាសម្ដែងស្រី Liu Yifei បានទាក់ទាញការចាប់អារម្មណ៍ ជាមួយនឹងរូបរាងស្អាត និងសម្រស់ក្មេងជាងវ័យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ​​ប្រភពព័ត៌មាន163 អ្នកស្រី Liu Xiaoli ត្រូវបាន paparazzi ចាប់យករូបភាព ខណៈពេលដែលកំពុងអង្គុយនៅក្នុងហាងកាហ្វេ ជាមួយមិត្តភក្តិ។ ក្នុងនោះដែរ អ្នកស្រីបានតុបតែងខ្លួនបែបស្រាលៗ ពាក់អាវយឺតពណ៌ខៀវ និងកន្សែងសូត្រ ប៉ុន្តែសម្រស់របស់អ្នកស្រី គឺមានភាពលេចធ្លោយ៉ាងខ្លាំង។

នៅលើ Weibo ទស្សនិកជនជាច្រើន បានសរសើរថា ម្តាយរបស់តារាស្រី Liu Yifei ដែលមានអាយុវ័យ ៦៥ ឆ្នាំទៅហើយនោះ នៅតែរក្សាបានយ៉ាងល្អ។ ជាពិសេស កាលពីកន្លងមក មាននារីបម្រើការលើយន្តហោះ ដែលបានជួបម្តាយរបស់តារាស្រីរូបនេះ នៅលើយន្តហោះ ក៏បានលើកឡើងថា អ្នកស្រីសុភាពរាបសារ មើលទៅក្មេងជាងវ័យ បើធៀបនឹងអាយុពិតរបស់អ្នកស្រី ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាចិន