រូបភាព Nine បង្ហាញអារម្មណ៍មួយនេះ ពេលប្រាប់ថា បែ-»កគ្នាជាមួយ Baifern

ថៃ៖​ អ្នកគាំទ្រពិតជាមានការសោកស្ដាយយ៉ាងខ្លាំង សម្រាប់​ការ​ប្រកាស​បញ្ចប់​ឋានៈ​ជាគូសសង្សារ រវាង តារាសម្ដែង លោក Nine Naphat និង​តារា​ស្រី Baifern Pimchanok ដែលពួកគេនឹង​វិល​ត្រឡប់​ទៅ​ជា​មិត្ត​នឹង​គ្នា​ដូច​មុន ខណៈដែលនៅក្នុងនោះ លោក Nine ក៏បានលើកឡើងពីហេតុផល ដែល​​មក​ពី​ខ្លួន​​មិន​អាច​រក្សា​តុល្យភាព​ទំនាក់ទំនង​បាន​ល្អ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្នុង​ពេល​សម្ភាសន៍​ តារាសសម្ដែងប្រុសរូបនេះ មាន​ទឹក​ដម​សំឡេង​អួលដើមក. ស្រក់​ទឹក​ភ្នែក ធ្វើ​ឲ្យ​អ្នក​សារព័ត៌មាន​ស្រែក​លើក​ទឹក​ចិត្ត​ជា​បន្តបន្ទាប់។ ហើយនៅពេលសម្ភាសន៍ចប់ មនុស្សជាច្រើននៅតែបន្តលើកទឹកចិត្តឲ្យលោក ទាំងប្រព័ន្ធផ្សព្វផ្សាយ និងអ្នកគាំទ្រដែលតាមដានការផ្សាយបន្តផ្ទាល់ ទៀតផង។

មិនត្រឹមតែប៉ុណ្ណោះ មាន​ពេល​មួយ​ដែល​ លោក Nine ដើរ​ចូល​ទៅ​អរគុណ​អ្នក​សារព័ត៌មាន ហើយ​បាន​ឱប​អ្នក​យក​ព័ត៌មាន​ម្នាក់​សម្រាប់​ការ​លើក​ទឹក​ចិត្ត រូបលោកមិនអាចទប់អារម្មណ៍បាន ទឹកភ្នែកបានហូរចេញមក ដែលរួមមាន​ទាំង​សំឡេង​របស់​ប្រព័ន្ធ​ផ្សព្វផ្សាយ​ដែល​មាន​វត្តមាន​នៅទី​នោះ បានលួងលោមមិនឲ្យយំ និងបានបន្តលើកទឹកចិត្តឲ្យលោក ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ