ហ្វេននាំគ្នាភ្ញាក់ផ្អើលក្រោយឃើញ Minnie ក្រុម (G)I-DLE ស្រ»-កគីឡូជា»-ងមុន

កូរ៉េខាងត្បូង៖ ប្រិយមិត្តអ្នកគាំទ្រវិស័យចម្រៀង KPOP ប្រាកដជាដឹងហើយថា តារាចម្រៀងមិនថាប្រុសឬស្រីរបស់កូរ៉េខាងត្បូងសុទ្ធតែមានរាងរៅស្គមស្រឡៅស្រឡូនស្អាត គឺមិនសូវឃើញនរណាម្នាក់ឡើងទម្ងន់ខ្លាំងនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែការកំណត់បែបនេះបានធ្វើឲ្យតារាចម្រៀងខ្លះខំតមអាហារ ក៏ដូចជាបង្អត់អាហារខ្លួនឯងដើម្បីថែរាងឲ្យនៅតែស្រស់ស្អាត គ្រាន់តែតារាស្រីខ្លះ ព្យាយាមបង្អត់អាហាររហូតដល់ស្គមស្គាំងខ្លាំង។

ជាក់ស្ដែងនៅក្នុងរូបភាពថ្មីបង្ហោះដោយកញ្ញា Minnie ជាសមាជិករបស់ក្រុមចម្រៀងនារី (G)I-DLE បានធ្វើឲ្យអ្នកគាំទ្រមានការព្រួយបារម្ភពីសុខភាពរបស់នាង ក្រោយឃើញនាងថតនៅឯសមុទ្រជាមួយនឹងការពាក់អាវកាក់តូច បញ្ចេញល្វែងលើនិងក្បាលពោះរាបស្មើគូជាមួយនឹងសំពត់ខោប៊យ និងអាវក្រៅខោប៊យ។

នៅក្នុងរូបភាពនេះ គេអាចឃើញ Minnie ស្គមរហូតដល់ឃើញឆ្អឹងជំនីដែលទោះនាងមានតែស្នាមញញិម និងមើលទៅស្រស់ស្រាយ ក៏អ្នកគាំទ្រទទូចឲ្យតារាស្រីម្នាក់នេះខំញ៉ាំអាហារ ដើម្បីឡើងទម្ងន់ជាងនេះ ដោយសារបារម្ភពីសុខភាពរបស់នាង៕  

ប្រភព៖: koreaboo

• រូបភាព
• តារាថៃ
• តារាកូរ៉េ