បាងកក អ៊ែរវេយ៍ រៀបចំពិព័រណ៍ទេសចរណ៍ Boutique Journey Travel Fair និងបង្ហាញជាផ្លូវការនូវបណ្ណ Cambodia Travel Pass

ភ្នំពេញ ៖ កាលពីថ្ងៃទី ៥ ខែកក្កដា ២០២៤ ក្រុមហ៊ុនបាងកក អ៊ែរវេយ៍ ដឹកនាំដោយ អ្នកនាង អាម៉នរ៉ាត គង់សាវ៉ាត ដែលជាអនុប្រធានផ្នែកលក់ និងអនុប្រធានស្តីទីផ្នែកទីផ្សារ សហការជាមួយអាជ្ញាធរទេសចរណ៍ថៃ ដឹកនាំដោយអ្នកនាង ស៊ូប៉ាកាន យ៉ូដឈុន ដែលជានាយកគ្រប់គ្រង មានមោទនភាពប្រកាសបើកពិព័រណ៍ទេសចរណ៍ “Boutique Journey Travel Fair” និងបង្ហាញបណ្ណ Cambodia Travel Pass ។ ពិធីសម្ពោធជាផ្លូវការ ត្រូវបានរៀបចំឡើងនៅ Central Court ក្នុងផ្សារទំនើបអ៉ីអន ២ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកនាង អាម៉នរ៉ាត គង់សាវ៉ាត អនុប្រធានផ្នែកលក់ និងអនុប្រធានស្តីទីផ្នែកទីផ្សារ របស់ក្រុមហ៊ុន បាងកក អ៊ែរវេយ៍ បានបង្ហាញអារម្មណ៍រីករាយ និងបានលើកឡើងថា ៖

យើងពិតជារំភើបចំពោះការរៀបចំពិព័រណ៍ទេសចរណ៍នៅក្នុងប្រទេសសកម្ពុជា។បណ្ណ Cambodia Travel Pass នេះនឹងផ្តល់ជូននូវការធ្វើដំណើរប្រកបដោយភាពបត់បែន និងងាយស្រួលរួមជាមួយអត្ថប្រយោជន៍យ៉ាងច្រើនសម្បូរបែបដែលបង្កើតឡើងដើម្បីជួយឱ្យបទពិសោធន៍នៃការធ្វើដំណើរកាន់តែប្រសើរឡើង។ យើងក៏មានក្តីរំភើបផងដែរក្នុងការផ្តល់ ជូននូវតម្លៃសំបុត្រដ៏ពិសេសដែលអាចរកទិញបានតែនៅក្នុងកម្មវិធីនេះប៉ុណ្ណោះ។ ពិព័រពណ៍ទេសចរណ៍ Boutique Journey Travel Fair និងបណ្ណ Cambodia Travel Pass បង្ហាញពីការប្តេជ្ញាចិត្តរបស់ បាងកក អ៊ែរវេយ៍ ក្នុងការផ្តល់ជូននូវជម្រើសនៃការធ្វើ ដំណើរប្រកប ដោយភាពបត់បែន ប្រណីតភាព និងភាពងាយស្រួល ដែលនឹងផ្តល់នូវបទ ពិសោធន៍ល្អៗបន្ថែមទៀតដល់អតិថិជនដ៏មានតម្លៃរបស់យើង ។ កម្មវិធីនេះឆ្លុះបញ្ចាំងពីឆន្ទៈរបស់យើង ក្នុងការនាំមកនូវសេវាកម្មដ៏ល្អឯក រួមជាមួយអត្ថ ប្រយោជន៍ដ៏ច្រើនសម្បូរបែប។

អ្នកនាង អាម៉នរ៉ាត គង់សាវ៉ាត អនុប្រធានផ្នែកលក់ និងអនុប្រធានស្តីទីផ្នែកទីផ្សារ របស់ក្រុមហ៊ុន បាងកក អ៊ែរវេយ៍

Cambodia Travel Pass គឺជាកម្មវិធីប្រម៉ូសិនដែលត្រូវបានបង្កើតឡើងជាពិសេស ដើម្បីផ្តល់ជូនអតិថិជននូវបទពិសោធន៍នៃការធ្វើដំណើរដ៏ពិសេសរវាងប្រទេសកម្ពុជា និងប្រទេសថៃ។ ការផ្តល់ជូនមានពេលកំណត់នេះ នឹងបើកការបញ្ជារទិញពីថ្ងៃទី ១-២៥ ខែកក្កដា ឆ្នាំ ២០២៤ ហើយអនុញាតឱ្យធ្វើដំណើរឥតកំណត់សម្រាប់ផ្លូវហោះហើររវាង ភ្នំពេញ-បាងកក និងសៀមរាប-បាងកក ចាប់ពីថ្ងៃ ១ ខែសីហា ឆ្នាំ ២០២៤ រហូតដល់ ៣១ ខែកក្កដា ឆ្នាំ ២០២៥ ក្នុងតម្លៃត្រឹមតែ ២,៥៩០ដុល្លារប៉ុណ្ណោះ (លក្ខខណ្ឌផ្សេងៗត្រូវបានអនុវត្ត)។

អត្ថប្រយោជន៍ និងសិទ្ធិពិសេសនៃបណ្ណ Cambodia Travel Pass ៖

១. ការធ្វើដំណើរឥតចំនួនកំណត់ ៖ រីករាយនឹងការហោះហើរឥតចំនួនកំណត់សម្រាប់ជើង ហោះហើរ ភ្នំពេញ-បាងកក និងសៀមរាប-បាងកក ។

២. រយៈពេលកក់សំបុត្រ និងធ្វើដំណើរមានភាពបត់បែន ៖ កក់សំបុត្រ និងធ្វើដំណើរនៅពេល ណាក៏បានចន្លោះថ្ងៃ ១ ខែសីហា ឆ្នាំ ២០២៤ រហូតដល់ ៣១ ខែកក្កដា ឆ្នាំ ២០២៥ ។

៣. ការដំឡើងទៅជាសមាជិក FlyerBonus Premier ៖ ដំឡើងជាសមាជិក FlyerBonus Premier ពេញមួយយុទ្ធនាការនេះ ជាមួយនឹង Premier Plus ដែលនៅតែបន្តមិនប្រែប្រួល ។

៤. ការជ្រើសរើសកន្លែងអង្គុយ ៖ ជ្រើសរើសកន្លែងអង្គុយតាមចំណូលចិត្តនៅគ្រប់ជើង ហោះហើរ ។

៥. អីវ៉ាន់របស់ម្ចាស់បណ្ណត្រូវបានផ្តល់អាទិភាព ៖ ទទួលបានអីវ៉ាន់កាន់តែឆាប់រហ័ស ។

៦. Premier Check-in Counter ៖ ចូលទៅកន្លែងចុះឈ្មោះ premier check-in counters ដែលទំនេរ ។

៧. គូប៉ុង Blue Ribbon Club Lounge ៖ ទទួលបានគូប៉ុងសម្រាប់ប្រើប្រាស់នៅកន្លែង សម្រាករង់ចាំ Blue Ribbon Club ចំនួន ៥ ដែលមានតម្លៃស្មើនឹង 4,750 បាត ។

៨. ដាក់អីវ៉ាន់បានកាន់តែច្រើន ៖ រីករាយនឹងគីឡូបន្ថែមសម្រាប់ជើងហោះហើរ បាងកក អ៊ែរវេយ៍ ទៅតាម FlyerBonus Premier status ។

៩. កែប្រែការកក់សំបុត្រឥតកំណត់ ៖ កែប្រែការកក់សំបុត្រឥតកំណត់ និងឥតគិតថ្លៃ ។

១០. ការបញ្ចុះតម្លៃពី Beyond Flying Program ៖ អាចប្រើប្រាស់ការបញ្ចុះតម្លៃពិសេសពីដៃគូ Beyond Flying Program ។

១១. ពិន្ទុ FlyerBonus ៖ ទទួលបានពិន្ទុ FlyerBonus ពីគ្រប់ជើងហោះហើររបស់ បាងកក អ៊ែរវេយ៍ រួមទាំងពិន្ទុ Tier Bonus ផងដែរដែលអាស្រ័យលើចំនួននៃការគណនាជាមុន ដោយផ្អែកលើពិន្ទុដែលទទួលបានពីជើងហោះហើរ និងសមាជិកភាពនៅថ្ងៃនៃការ ហោះហើរ ។

១២. Complimentary ONE SIAM Coin ៖ ទទួលបាន 2,000 ONE SIAM Coin (ONE SIAM នៅ Siam Paragon) ជា កាដូស្វាគមន៍។

សម្រាប់ព័ត៌មានបន្ថែម និងការជាវបណ្ណ Cambodia Travel Pass សូមចូលទៅកាន់ ៖ Link ឬទាក់ទងការិយាល័យភ្នំពេញតាមរយៈ

+(855) 23 426 707 ឬផ្នែកទំនាក់ទំនងអតិថិជនតាមរយៈ 1771 (នៅក្នុងប្រទេសថៃតែប៉ុណ្ណោះ)។

ការលក់សំបុត្រយន្តហោះតម្លៃពិសេស ៖ បន្ថែមពីលើ Cambodia Travel Pass បាងកក អ៊ែរវេយ៍ ក៏ផ្តល់ជូនផងដែរនូវការលក់សំបុត្រយន្តហោះតម្លៃពិសេសសម្រាប់ការធ្វើដំណើរ ចន្លោះថ្ងៃ ៥ ខែកក្កដា រហូតដល់ ៣១ ខែធ្នូ ឆ្នាំ ២០២៤ ដែលផ្តល់ជូនតែក្នុងកម្មវិធីនេះ ប៉ុណ្ណោះ ។ រីករាយនឹងការធ្វើដំណើរ ទៅ-មក រវាងភ្នំពេញ-បាងកក ក្នុងតម្លៃចាប់ពី ២០៨ដុល្លារ ប៉ុណ្ណោះ និងជើងហោះហើររវាងភ្នំពេញ-បាងកក-ភូកេត ឬ ឈៀងម៉ៃ ក្នុងតម្លៃចាប់ពី ២៨៨ដុល្លារ ប៉ុណ្ណោះ (តម្លៃសរុបរួមបញ្ចូលពន្ធទាំងអស់)។

ជើងហោះហើរត្រង់ប្រចាំថ្ងៃរវាង សៀមរាប, ភ្នំពេញ-បាងកក ៖ បាងកក អ៊ែរវេយ៍ ប្រតិបត្តិការ ជើងហោះហើរឥតឈប់បីជើងជារៀងរាល់ថ្ងៃរវាងសៀមរាប (អង្គរ) និងបាងកក (សុវណ្ណាភូមិ) ដោយប្រើយន្តហោះ ATR72-600 ជាមួយនឹងកន្លែងអង្គុយចំនួន ៧០ កៅអី ។ លើសពីនេះទៅទៀតបាងកក អ៊ែរវេយ៍ ប្រតិបត្តិការជើងហោះហើរឥតឈប់ពីរជើងជារៀង រាល់ថ្ងៃរវាងអាកាសយានដ្ឋានអន្តរជាតិភ្នំពេញ និងបាងកក (សុវណ្ណាភូមិ) ដោយប្រើយន្ត ហោះប្រភេទ Airbus 319 ។ (ចាប់ពីថ្ងៃ ១ កញ្ញា ២០២៤ តទៅសេវាកម្មសម្រាប់ផ្លូវហោះ ហើរភ្នំពេញ-បាងកក នឹងត្រូវបង្កើនដល់បីជើងជារៀងរាល់ថ្ងៃ)។

ដើម្បីបង្កើនភាពងាយស្រួលដល់អ្នកដំណើរ បាងកក អ៊ែរវេយ៍ កំពុងផ្តល់ជូនការ អនុញាតឱ្យដាក់អីវ៉ាន់បន្ថែម ១០ គីឡូក្រាមទៀត សម្រាប់អ្នកដំណើរទាំងអស់ដែលធ្វើដំណើរ លើជើងហោះហើរ បាងកក-ភ្នំពេញ និង ភ្នំពេញ-បាងកក។ សិទ្ធិពិសេសនេះផ្តល់ជូនពីថ្ងៃ នេះរហូតដល់ថ្ងៃទី ២៦ ខែតុលា ឆ្នាំ ២០២៤ ។ អ្នកដំណើរ Economy Class អាចរីករាយជា មួយនឹងការដាក់អីវ៉ាន់សរុបបានរហូតដល់ ៣០ គីឡូក្រាម ខណៈអ្នកដំណើរ Business Class អាចដាក់អីវ៉ាន់បានរហូតដល់ ៥០ គីឡូក្រាម ។ ការអនុញាតឱ្យដាក់អីវ៉ាន់បន្ថែម ៣០ គីឡូក្រាមនេះ សម្រាប់តែជើងហោះហើរ បាងកក អ៊ែរវេយ៍ (PG) ប៉ុណ្ណោះ ។ (សម្រាប់អីវ៉ាន់កូនក្មេង អាចដាក់បាន ១០ គីឡូក្រាមដដែល) ។
អំពី បាងកក អ៊ែរវេយ៍បាងកក អ៊ែរវេយ៍ ជាក្រុមហ៊ុនអាកាសចរណ៍ដែលផ្តល់សេវាកម្មពេញលេញក្នុងការដឹកអ្នក ដំណើរ ត្រូវបានផ្តល់កិត្តិនាមជាក្រុមហ៊ុនអាកាសចរណ៍ក្នុងតំបន់ល្អបំផុតលើពិភពលោក និងក្រុមហ៊ុនអាកាសចរណ៍ល្អបំផុតក្នុងតំបន់អាស៊ីដោយពានរង្វាន់ក្រុមហ៊ុនអាកាសចរណ៍លើពិភពលោក SKYTRAX រយៈពេល ៨ ឆ្នាំជាប់ៗគ្នា ។ បង្កើតឡើងក្នុងឆ្នាំ ១៩៦៨ បាងកក អ៊ែរវេយ៍ គឺជាក្រុមហ៊ុនអាកាសចរណ៍ទីមួយរបស់ប្រទេសថៃ ។ តាមរយៈប្រតិបត្តិការប្រមាណ ១០០ ជើងជារៀងរាល់ថ្ងៃពីអាកាសយានដ្ឋានសុវណ្ណាភូមិ នៅបាងកក និងអាកាសយានដ្ឋាន នៅសាមុយ ក្រុមហ៊ុននេះភ្ជាប់អ្នកដំណើរទៅកាន់ទិសដៅហោះហើរប្រណីតៗប្រមាណជាង ២០ នៅទូទាំងពិភពលោក និងក្នុងតំបន់អាស៊ី ។ ទិសដៅឆ្នេរល្បីៗដូចជា សាមុយ ភូកេត ក្រាប៊ី ត្រាត (កោះឆាង) និងម៉ាឌីវ ខណៈ ទិសដៅមរតកដូចជាសុខោទ័យ លួងប្រាបាង និងសៀមរាប (អង្គរ) ផ្តល់នូវបទពិសោធន៍វប្បធម៌ដ៏វិសេសវិសាល ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

បាងកក អ៊ែ​រវេ​យ៍ រៀបចំ​ពិ​ព័រ​ណ៍ទេសចរណ៍ Boutique Journey Travel Fair និង​បង្ហាញ​ជា​ផ្លូវការ​នូវ​បណ្ណ Cambodia Travel Pass

In Case You Missed It

បាងកក អ៊ែរវេយ៍ រៀបចំពិព័រណ៍ទេសចរណ៍ Boutique Journey Travel Fair និងបង្ហាញជាផ្លូវការនូវបណ្ណ Cambodia Travel Pass