ក្រោយចេញពីប្រគុំតន្រ្តី Taylor Swift និងគូស្នេហ៍ បណ្ដើរគ្នា ឡើងផ្អែមល្ហែម

បរទេស៖ បន្ទាប់ពីការប្រគុំតន្ត្រីនៅទីក្រុង Amsterdam នៅល្ងាចថ្ងៃទី ៥ ខែកក្កដាកន្លងទៅនេះ តារាចម្រៀងស្រី Taylor Swift បានចាកចេញពីឆាក ជាមួយនឹងគូស្នេហ៍ លោក Travis Kelce ដែលបានដើរឱបគ្នា យ៉ាងស្និទ្ធស្នាល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងវីដេអូ ដែលបានចែករំលែក ដោយទស្សនិកជននៅលើ X (Twitter) បានបង្ហាញឲ្យឃើញថា តារាចម្រៀងស្រី Taylor និង គូស្នេហ៍ លោក Travis បានដើរចេញពីឆាក​ដោយកាន់ដៃគ្នា ហើយអ្នក​ទាំង​ពីរ​ បាន​គ្រវី​ដៃ​ទៅ​កាន់​អ្នក​គាំទ្រ ខណៈ​ដែល​ពួក​គេ​ធ្វើ​ដំណើរ​ទៅ​កាន់​ច្រក​ចេញ។ បន្ទាប់មក ពួកគេក៏បានកៀកដៃគ្នាទៅវិញទៅមក ហើយគូស្នេហ៍របស់តារាស្រីរូបនេះ បានថើបសក់របស់នាងថ្នមៗ ចំពេលមានការអបអរសាទរពីអ្នកគាំទ្រ។

ក្នុងនោះដែរ តារាស្រី Taylor Swift ក៏បានបង្ហាញខ្លួន ដោយបាន​ស្លៀក​រ៉ូប​ពណ៌​ខៀវ​ ពី​កម្មវិធី ខណៈ​មិត្ត​ប្រុស​របស់​នាង ​ពាក់​អាវ​ក្រណាត់​​ពណ៌​ស ស្បែកជើង​ប៉ាតា និង​មួក​កីឡា​បេស្បល ខណៈដែលគូស្នេហ៍​តារា​មួយ​គូ​នេះ ​មើល​ទៅ​ពោរពេញ​ដោយ​ភាព​រីករាយ និង​ផ្អែមល្ហែម៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ