គ្រាន់តែថតជាមួយ បុរសម្នាក់នេះសោះ Jennie ត្រូវគេរិះគ»-ន់យ៉ាងចាស់ដៃ

កម្សាន្ត៖ ដូចដែលប្រិយមិត្តបានស្គាល់ហើយថា Jennie គឺជាតារាចម្រៀងដ៏លេចធ្លោម្នាក់ប្រចាំក្រុមចម្រៀងនារី BLACKPINK និងជាអ្នកនាំលេងម៉ូតថ្មីៗ ដូចជាមនុស្សម្នាក់ដ៏មានឥទ្ធិពល ព្រោះមិនថានាងធ្វើអ្វីក៏មានអ្នកចាប់អារម្មណ៍ដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ នាងបែរជាត្រូវគេរិះគន់ និងបង្ហាញការមិនពេញចិត្ត បន្ទាប់ពីនាងបានថតជាមួយនឹងបុរសម្នាក់ ដែលមានបញ្ហារឿងអត្តចរិតក៏ដូចជាធ្លាប់មានរឿងអាស្រូវផ្លូវភេទជាច្រើន។ ក្នុងនោះ នាប៉ុន្មានសប្តាហ៍មុន Jennie បានបង្ហោះរូបខ្លួនស្លៀកឈុត ADIDAS និង CLOT ដែលជាម៉ាកសម្លៀកបំពាក់បែបកីឡា ដែលគ្រប់គ្រងដោយលោក Edison Chen ដែលក្នុងនោះក៏មានរូបថតនាងថតជាមួយនឹងតារាប្រុសម្នាក់នេះដែរ។

បុរសឈ្មោះ Edison Chen នេះមានបញ្ហាមិនចេះចប់មិនចេះហើយ ដោយធ្លាប់ឈ្លោះប្រកែកគ្នាជាមួយនឹងអ្នកបើកតាក់ស៊ីកាលពីឆ្នាំ២០០៧ រហូតដល់ឈានដល់ការទាត់ឡានគេនិងត្រូវប៉ូលិសចាប់ខ្លួន។ មួយឆ្នាំបន្ទាប់មក រូបថតបែបស្និទ្ធស្នាលរវាងគេនិងតារាស្រីជាច្រើនបានបែកធ្លាយពេញបណ្ដាញសង្គម ហើយកាលពីឆ្នាំ២០១១ មានរូបថតបែកធ្លាយថាបុរសម្នាក់នេះបានថើបនិងប៉ះពាល់នារីអាយុ១៦ឆ្នាំម្នាក់ ដែលធ្វើឲ្យមានការរិះគន់យ៉ាងចាស់ដៃ។

ដូច្នេះហើយទើប អ្នកប្រើបណ្ដាញសង្គមបានរិះគន់ទៅលើ Jennie ដែលចង់បំពេញការងាររួមជាមួយនឹងបុរសម្នាក់នេះ ហើយអ្នកខ្លះបានស្នើសុំឲ្យនាងបញ្ឈប់ ប៉ុន្តែចំពោះមតិផ្សេងទៀតបានលើកឡើងថា នេះជាសិទ្ធិឯកជនរបស់នាងក្និងការសហការការងារជាមួយអ្នកណាក៏បាន ដែលនាងចង់៕  

ប្រភព៖: koreaboo

• រូបភាព
• តារាកូរ៉េ