ទៅធ្វើប្រគុំតន្រ្តី រៀបការកូនមហាសេដ្ឋី Justin Bieber ទទួលបានប្រាក់ចំណូល ដល់ទៅ...

បរទេស៖ តារាចម្រៀង លោក Justin Bieber បានបង្ហាញខ្លួន ក្នុងការសម្តែងការប្រគុំតន្រ្តី នៅក្នុងពិធីជប់លៀង មុនរៀបការ(Pre-Wedding) របស់កូនប្រុសមហាសេដ្ឋី Mukesh Ambani នៅទីក្រុង Mumbai ប្រទេសឥណ្ឌា ជាមួយនឹងប្រាក់ជួល រហូតដល់ ១០ លានដុល្លារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ​​ប្រភពTMZ លោក Anant Ambani ដែលជាកូនប្រុសពៅ របស់មហាសេដ្ឋី Mukesh Ambani ទើបតែបានធ្វើពិធីមង្គលការជាមួយ Radhika Merchant ដែលជាកូនស្រីរបស់អ្នកជំនួញអ្នកមាន កាលពីល្ងាចថ្ងៃទី ៥ ខែកក្កដា នៅមជ្ឈមណ្ឌលវប្បធម៌ Nita Mukesh Ambani ។ នេះ​ជា ​ពិធី​មុន​អាពាហ៍​ពិពាហ៍​​បែប​ប្រពៃណី​ឥណ្ឌា ​ដែល​គ្រួសារ​ពីរ​ជួប​ជុំ​គ្នា​ ​ច្រៀង​រាំ​ជាមួយ​គ្នា ហើយតារាចម្រៀងប្រុស សញ្ជាតិកាណាដា លោក Justin Bieber ត្រូវបានអញ្ជើញឱ្យសម្តែងជាមួយតារាបូលីវូដជាច្រើន ផងដែរ។

តារាចម្រៀង Justin Bieber បានសម្ដែង នៅក្នុងកម្មវិធីជប់លៀងដោយបង្ហាញក្បាច់រាំសិ.ចស៊ី ហើយអញ្ជើញអ្នកទាំងអស់គ្នាមកច្រៀងតាម។ ជាមួយគ្នានេះដែរ តារាចម្រៀងប្រុសរូបនេះ បានតុបតែងខ្លួន ពាក់អាវពណ៌ស និងឈុតខោពណ៌ខ្មៅ រួមផ្សំជាមួយនឹងស្បែកជើងស្បែកខ្ពស់ និងមួកកីឡាបេស្បល ពាក់ត្រឡប់ទៅខាងក្រោយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ