ក្រោយចេញបកស្រាយ Baifern បង្ហាញរូបភាពមួយ ធ្វើឲ្យហ្វេនៗចាប់អារម្មណ៍ លើរឿងនេះ

ថៃ៖ អាច​និយាយ​បាន​ថា មានការ​លើក​ទឹក​ចិត្ត​ជាច្រើន​​ពីអ្នកគាំទ្រ ចំពោះ តារាសម្ដែងស្រី Baifern Pimchanok ក្រោយ​ចេញ​មុខ​ មកបើក​ចំហ​ អំពី​ការ​បែក​គ្នា​ជាមួយ​មិត្ត​ប្រុស លោក Nine Naphat ដែលបាន​បន្ថយ​ឋានៈ​ មក​ត្រឹម​ជា​មិត្តភ័ក្ដិ​នឹងគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗ​នេះ តារាសម្ដែងស្រី Baifern ក៏បាន​បង្ហោះ​រូបថតរបស់ខ្លួន ​ជាមួយ​នឹង​ភួង​ផ្កា​ឈូករ័ត្ន​ធំ និងបានផ្ញើសញ្ញាដៃជារាងបេះដូងតូច រួមទាំងបង្ហាញស្នាមញញឹមបន្តិច មកកាមេរ៉ា ខណៈដែលការបង្ហាញមួយនេះ បានធ្វើឱ្យមិត្តភក្តិក្នុងវិស័យកម្សាន្ត និងអ្នកគាំទ្រ បញ្ចេញមតិជាមួយ emojis រាងបេះដូង ដើម្បីផ្តល់ការគាំទ្រដល់រូបនាង។

យ៉ាងណាមិញ អ្វីដែលគួរឲ្យចាប់អារម្មណ៍ជាងនេះ ម្នាក់​ក្នុង​ចំណោម​នោះ​គឺ​ លោក Nine Naphat ក៏​បានចុច Like ​លើ​រូបភាព​នោះ ​ក្នុង​រយៈពេល​ប៉ុន្មាន​នាទី ​។ ហើយក្រោយពីបានឃើញ​បែប​នេះ ហ្វេនៗជាច្រើន បាន​ត្រឹម​តែ​ផ្ញើ​ការ​លើក​ទឹក​ចិត្ត​ ទាំង​ Nine និង Baifern ព្រមទាំងសង្ឃឹមថា អ្នកទាំងពីរនឹងត្រឡប់មកមានភាពរីករាយ ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ