Katy Perry បង្ហាញសម្រស់ស្អាត ក្នុងបទចម្រៀងថ្មី ហ្វេនៗមើលឡើងភ្លឹ»-កហើយ

កម្សាន្ត៖ នៅក្នុង MV «Woman's World» ដែលទើបចេញថ្មីៗនេះ របស់ តារាចម្រៀងវ័យ ៣៩ ឆ្នាំ Katy Perry បានស្លៀកឈុតប៊ីគីនី ដើម្បីបង្ហាញរាងដ៏លេចធ្លោ ធ្វើមហាជនជាច្រើន ចាប់អារម្មណ៍យ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាចម្រៀងស្រី Katy Perry ប្រែក្លាយទៅជា Rosie the Riveter ដែលជារូបតំណាងវប្បធម៌អាមេរិក តំណាងឱ្យកម្មករស្ត្រីធ្វើការនៅក្នុងរោងចក្រ និងកន្លែងផលិតកប៉ាល់ក្នុងកំឡុងសង្គ្រាមលោកលើកទីពីរ។ នៅដើម MV តារាចម្រៀងស្រីរូបនេះ បង្ហាញរូបភាពបែបបុរាណ ក្នុងសម្លៀកបំពាក់ និងកន្សែងក្រហម ។ បន្ទាប់​មក​ នាង​បាន​ដោះ​អាវ​របស់​នាង​ចេញ​ដើម្បី​បង្ហាញ​ឈុត​ប៊ីគីនី ​ដែល​មាន​រាង​ស្រឡូន​ស្អាត។

ក្នុង​ឈុត​សិចស៊ីនេះ Katy ក៏បាន​បង្ហាញ​ក្បាច់​រាំ​ដ៏​ក្ដៅ​គគុក​ជាមួយ​នឹង​អ្នក​រាំ​ស្រី​ៗ នៅ​កន្លែង​ផលិត​កប៉ាល់​ ខណៈ​ពេល​កំពុង​ច្រៀង​បទចម្រៀង។ នៅក្រោមវីដេអូដកស្រង់នៃបទចម្រៀងនេះ ដែលបានបង្ហោះនៅលើ Instagram Katy Perry ទទួលបានការសរសើរជាច្រើន ពីអ្នកគាំទ្រអំពីសម្រស់រាងកាយ និងបទភ្លេងដ៏ទាក់ទាញរបស់នាង ខណៈ បន្ទាប់ពីការចេញផ្សាយ រយៈពេល ៦ ម៉ោង MV ទទួលបានការចូលមើលច្រើនជាង ១,១ លាននៅលើ YouTube ។

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ