ដូចក្នុងរឿង ជិតដល់ម៉ោងឡើងឆាក ដល់ទៅមើលរ៉ូប បវរកញ្ញា ស្រីនោ ត្រូវគេលួចដុតខូចអស់ (មានវីដេអូ)

កម្សាន្ត៖ កាលពីថ្មីៗនេះ គណនីហ្វេសប៊ុកមួយបាន បង្ហោះវីដេអូខ្លី ដែលធ្វើឲ្យមហាជនមានការភ្ញាក់ផ្អើល និង មានការហួសចិត្តជាខ្លាំង។ គេបានឲ្យដឹងថា រ៉ូបរបស់ ភឹម ស្រីនោ ម្ចាស់មកុដ Miss Grand Cambodia 2023 ត្រូវបានគេលួចដុត ធ្វើឲ្យខូចខាត ពាក់មិនកើត ខណៈជិតដល់ម៉ោងឡើងឆាកកម្មវិធី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងទៅតាមការបង្ហោះ ម្ចាស់គណនី ​Oun Bobo បានសរសេរថា " តើអ្នកណាធ្វើបានរ៉ូបកូនញ៉ុម Sreynor Phoem មិចបានមកដុតរ៉ូបកូនញ៉ុមចឹង ចិត្តអ្នកធ្វើពីអី"។ ក្រឡេកទៅមើលសភាពរ៉ូបនេះវិញ គឺឃើញថា ដូចមានគេយកភ្លើងដុតរោល ធ្វើឲ្យក្រណាត់រួញចូលគ្នាយ៉ាងខ្លាំង។

ចំណែកឯ បវរកញ្ញាយើងវិញ បានត្រឹមឈរមើលស្បៃរ៉ូបខ្លួន ទាំងទឹកមុខស្រងូតស្រងាត់ មិនដឹងថា អ្នកណាមានកំហឹង គំនុំអ្វី បានជាដល់ថ្នាក់ធ្វើបែបនេះ ដាក់រូបនាង ដូចជាតួឯកស្រី ត្រូវគេឈ្នានីស នៅក្នុងរឿង មិនខុសនោះទេ មើលហើយ មានការអាណិតជាខ្លាំង៕

ប្រភព៖ Oun Bobo

• វីដេអូ
• តារាខ្មែរ