Jennifer Lopez បែរជាចេញមកកម្សាន្ត ជាមួយកូនស្រី ស្វាមី ក្រោយមាន ចចា»-មអារ៉ា»-ម លែ»-ងលះគ្នា

កម្សាន្ត៖ តារាចម្រៀងស្រី Jennifer Lopez ត្រូវបានគេប្រទះឃើញ ដើរលេងជាមួយកូនស្រីច្បងវ័យ ១៨ ឆ្នាំដែលជាកូនស្រីរបស់ស្វាមីនាង លោក Ben Affleck អំឡុងពេល នាងនៅ Hamptons ។

យោងតាម ​​ប្រភព PageSix បានឲ្យដឹងថា តារាចម្រៀង និងកូនស្រីរបស់ Ben ដែលមានឈ្មោះថា Violet Affleck ត្រូវបានគេ ឃើញនៅឯកម្មវិធីវត្ថុបុរាណមួយនៅ East Hampton កាលពីថ្ងៃសៅរ៍ កន្លងទៅនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការបង្ហាញខ្លួនលើកនេះ តារាចម្រៀងស្រី Jennifer Lopez ស្លៀកខោខូវប៊យ និងអាវក្រៅពណ៌សយ៉ាងទាន់សម័យ ចំណែក​ឯ កូនស្រីច្បង របស់ Ben Affleck បានជ្រើសរើសអាវធំ និងសំពត់ពណ៌ផ្កាឈូក និងបានពាក់របាំងមុខ នៅឯការតាំងពិពណ៌។

ការបង្ហាញខ្លួនរបស់ តារាស្រី Jennifer Lopez និងកូនស្រីរបស់ស្វាមី បានកើតឡើងចំ ពេលមានពាក្យចចាមអារ៉ាមជាច្រើន អំពីបញ្ហាអាពាហ៍ពិពាហ៍រវាងនាង និងស្វាមី លោក Ben Affleck។ ហើយ អ្នកទាំងពីរ មិនទាន់បានបកស្រាយ អំពីស្ថានភាពទំនាក់ទំនងរបស់ពួកគេនៅឡើយទេ ខណៈដែលបច្ចុប្បន្ន ពួកគេបានរស់នៅដាច់ដោយឡែកពីគ្នា ហើយកម្របានជួបគ្នាណាស់៕

ប្រភព៖ Ngoiao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ