កម្សាន្ត៖ ក្រោយចាកចេញពីផលិតកម្ម YG Entertainment រួចមក Lisa ក៏បានបើកផលិតកម្មផ្ទាល់ខ្លួនមានឈ្មោះថា LLOUD ហើយថ្មីៗនេះ នាងក៏បានបញ្ចេញបទចម្រៀងថ្មីមានឈ្មោះថា "Rockstar" ដែលបានថតនៅប្រទេសថៃផងដែរ។
![](https://s9.kh1.co/74/7481d8bdb868a42da9c5eb87b695b603ce23fe42.png)
![](https://s9.kh1.co/2d/2d25351e39ac39ca92418d2cbd599e8f3245138a.png)
មកទល់ពេលនេះ បទចម្រៀង "Rockstar" មានអ្នកចុចចូលទស្សនានៅក្នុង Youtube លើសពី១០០លានហើយ ដែលចាត់ទុកជាបទចម្រៀងមួយដ៏ជោគជ័យ មិនខុសពីបទផ្សេងៗទៀតរបស់ Lisa និង BLACKPINK នោះទេ។
![](https://s9.kh1.co/71/71f9c7d045c4e9859f632d68bca20031cdefaa53.png)
![](https://s9.kh1.co/c6/c68fa0acb723a8e2373717f28588413ea0d25a77.png)
នៅក្នុងបទចម្រៀងនោះដែរ គេឃើញថា Lisa បានបញ្ចេញក្បាច់រាំយ៉ាងរស់រវើកនៅលើផ្លូវដ៏ស្ងាត់មួយនាពេលយប់នៅម្ដុំ Chinatown ឯទីក្រុងបាងកកក៏ដូចជានៅផ្សារទំនើបដែលគេបោះបង់ចោល។ យ៉ាងណាមិញ ឈុតមួយដែលគេចាប់អារម្មណ៍ខ្លាំងនោះគឺឈុត Lisa ឈរនៅក្នុងចំណោមមនុស្សស្រីកាត់សក់សេះពាក់អាវ Hoodie ពណ៌សជាច្រើននាក់។
![](https://s9.kh1.co/a0/a0e88d4757f4ed95c88b215a7896029f9615b9f7.png)
យ៉ាងណាមិញ លោក Gabriel Moses ដែលជាផលិតករបានដឹកនាំបទចម្រៀង "FE!N" របស់តារារ៉េបប្រុស Travis Scott នោះបានចេញមកចោទប្រកាន់ថា Lisa បានចម្លងប្លង់ថតមួយនេះតាមបទចម្រៀងនេះតាមបទ "FE!N" ហើយបានអះអាងថា ក្រុមរបស់ Lisa បានទាក់ទងមកអ្នក Editor នៅក្នុងក្រុមរបស់លោកឲ្យជួយថតប្លង់នេះ តែត្រូវបដិសេធ ប៉ុន្តែនាងបានយកប្លង់នេះទៅថតទាល់តែបាន។
![](https://s9.kh1.co/45/45b1399ad1554f179b906c82fc671dbb78a39cd8.png)
ភាពដូចគ្នាត្រង់ឈុតនេះធ្វើឲ្យ លោក Gabriel Moses ទុកពេលឲ្យ Lisa ចេញមកបកស្រាយរយៈពេលកន្លះខែ ប៉ុន្តែគេពុំទាន់ដឹងថាលោកមានចំណាត់ការយ៉ាងណាទៅលើតារាស្រីរូបនេះទេ៕
ប្រភព៖: allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]