Jin ជាតារា Kpop ដំបូងគេក្នុងប្រវត្តិសាស្ត្រ ដែលបានកាន់ភ្លើងគប់ក្នុងព្រឹត្តិការណ៍កីឡាអូឡាំពិចនៅប៉ារីស

កម្សាន្ត៖ បន្ទាប់ពីបញ្ចប់ការបំពេញកាតព្វកិច្ចយោធាក្នុងប្រទេសកូរ៉េខាងត្បូងរួចរាល់ Jin ក៏បានត្រឡប់ចូលមកអង្រួនបេះដូងហ្វេនសារជាថ្មី។ កាលពីថ្ងៃអាទិត្យ ទី១៤ ខែកក្កដា កន្លងទៅនេះផងដែរ Jin បានបង្ហាញវត្តមាននៅក្នុងព្រឹត្តិការណ៍ដង្ហែក្បួន កីឡាអូឡាំពិច ដែលប្រជុំទៅដោយកីឡាករបាល់ទាត់ល្បីៗមកពីជុំវិញពិភពលោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនតែប៉ុណ្នោះ Jin ក៏បានក្លាយជាតារា Kpop ដំបូងគេ ដែលបានដើរតួនាទីយ៉ាងសំខាន់ក្នុងព្រឹត្តិការណ៍នេះ ក្នុងនាមជាអ្នកកាន់ភ្លើងគប់តំណាងឲ្យប្រទេសកូរ៉េខាងត្បូង។ ជាមួយគ្នានេះ តារាប្រុសដែលមានវ័យ 31 ឆ្នាំរូបនេះបានបញ្ចប់កាតព្វកិច្ចយោធារបស់ខ្លួនកាលពីខែមុន ដោយបានក្លាយជាសមាជិក BTS ដំបូងគេដែលបានត្រឡប់មកវិញ។

ខណៈពេលដែលហេតុផល សម្រាប់ការចូលរួមរបស់តារាចម្រៀងប្រុសរូបនេះ នៅក្នុងការបញ្ជូនតភ្លើងកប់ មិនត្រូវបានបង្ហាញឱ្យដឹងនោះទេ តែវាទំនងជាមកពីប្រជាប្រិយភាពទូទាំងពិភពលោករបស់ BTS និងសារលើកទឹកចិត្តរបស់ពួកគេ " Love Yourself " "ស្រឡាញ់ខ្លួនអ្នក"៕

ប្រភព៖ Hindustan Times

• រូបភាព
• តារាកូរ៉េ