រូបភាពថ្មី Nine Naphat ឡើងសង្ហា តែបែរជាត្រូវ គេលើកឡើង ពីរឿងមួយនេះ

ថៃ៖ នៅតែជារឿងដែលអ្នកគាំទ្រជាច្រើនមានការសោកស្ដាយ និងចាប់អារម្មណ៍តាមដាន ក្រោយពី តារាប្រុស លោក Nine Naphat បានចេញមកបើកបង្ហាញពីទំនាក់ទំនងស្នេហា ដែលបានបញ្ចប់ ជាមួយនឹង Baifern និងមកធ្វើត្រឹមជាមិត្តភក្តិល្អនឹងគ្នាវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្មីៗនេះ តារាប្រុស លោក Nine Naphat បានធ្វលឲ្យហ្វេនៗមានការសប្បាយ​ចិត្ត​ជាខ្លាំង​ នៅពេល​ដែល តារាប្រុសរូបនេះ បានវិលត្រឡប់មក មានសកម្មភាពនៅលើ​បណ្ដាញ​សង្គម​វិញ ហើយ​បានបង្ហោះ​រូប​ម្ដង​ទៀត ​លើ Instagram បន្ទាប់ពី ថ្ងៃសន្និសីទកាសែត បញ្ជាក់ពីទំនាក់ទំនងរបស់លោក និងអតីតគូស្នេហ៍។

នៅក្នុងរូបភាពដែលបានបង្ហាញឡើង Nine Naphat បាន​ស្លៀក​ឈុត​យ៉ាងស្រស់សង្ហា​ បូករួមមានការបង្ហាញយ៉ាងច្បាស់ជាមួយនឹងចំណងជើង ផ្សព្វផ្សាយហាងឈុត។ ដោយឡែក ក្រៅពីអ្នកគាំទ្រ ដែល​ចូល​មក​បញ្ចេញ​មតិ ផ្ញើ​បេះដូង លើកទឹកចិត្តដល់រូប​លោកហើយនោះ ក៏នៅមាន​ការ​បញ្ចេញ​មតិ​ពី​អ្នក​លេង​អ៊ីនធឺណិតមួយចំនួន ​ដែលបានលើកឡើង ដូចជា​ «កុំ​បំពាន​ពាក្យ​សន្យា អ្នក​បាន​និយាយ​ថា ​អ្នក​នឹង​ចែចង់​ Bai ពេញ​មួយ​ជីវិត» «តើអ្នកកំពុងរញ៉េរញ៉ៃអ្វីជាមួយជីវិតរបស់គេ?» រួម​ទាំងមាន​មតិ​ជាច្រើនទៀត ​ដែល​នៅ​មិន​អស់ពី​រឿង​ស្នេហា ​របស់​លោក និង Baifern ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ