2NE1 ចេញបទថ្មី? CL ត្រូវបានគេប្រទះឃើញ នៅអគារផលិតកម្ម YG

កូរ៉េខាងត្បូង៖ ថ្មីៗនេះ អ្នកគាំទ្រមានការភ្ញាក់ផ្អើលនិងរំភើបជាខ្លាំង បន្ទាប់ពីប្រទះឃើញថា CL ដែលជាមេក្រុម 2NE1 បានដើរចូលទៅក្នុងអគារផលិតកម្ម YG ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីចុងខែមិថុនាកន្លងទៅនេះ មានព័ត៌មានផ្ទៃក្នុងមួយបានបញ្ជាក់ថាលោក Yang Hyun Suk បានណាត់ចួបជាមួយនឹង CL មុនដំបូងគេដើម្បីនិយាយរឿងផ្ទាល់ខ្លួនខ្លះ ដែលកាលណោះផលិតកម្ម YG ថាវាគ្រាន់តែជាការណាត់ចួបធម្មតាប៉ុណ្ណោះ។ បន្ទាប់ពីក៏បានណាត់ចួបសមាជិក 2NE1 ទាំងអស់គឺ CL , Sandara, Minzy និង Park Bom តែម្ដង នៅក្នុងអគារផលិតកម្ម ប៉ុន្តែពុំបានបង្ហើបទេថាមានគម្រោងអ្វីខ្លះជាមួយនឹង 2NE1 ។

យ៉ាងណាមិញ អ្នកគាំទ្របានទទូចសុំឲ្យមានការវិលត្រឡប់មកឡើងវិញរបស់ក្រុមចម្រៀងនារីដ៏ល្បីឈ្មោះនេះ ហើយកាន់តែឃើញរូបថត CL ដើរចូលអគារ YG នាពេលថ្មីៗនេះទៀត អ្នកគាំទ្ររឹតតែសង្ឃឹមថា ក្រុម 2NE1 អាចនឹងចេញចម្រៀងបទឬក៏មានគម្រោងថ្មីៗរួមគ្នា។

គួរបញ្ជាក់ផងដែរថា YG បានប្រកាសរំសាយក្រុម 2NE1 តាំងពីឆ្នាំ២០១៧ ហើយកាលពីឆ្នាំ២០២២កន្លងទៅ ពួកគេទាំងបួនក៏បានចេញមកសម្ដែងជាមួយគ្នាទៀតផង៕

ប្រភព៖: allkpop

• រូបភាព
• តារាកូរ៉េ