សង្ស័យថា Jennie កំពុងមានស្នេហាលួ»-ចលាក់ ជាមួយនឹងរៀមច្បងក្នុងវិស័យសិល្បៈម្នាក់នេះ

កូរ៉េខាងត្បូង៖ មហាជនមានការសង្ស័យថា Jennie ដែលជាសមាជិកក្រុមចម្រៀងនារី BLACKPINK អាចនឹងបង្កាត់ភ្លើងស្នេហ៍ចាស់ជាមួយនឹងតារារ៉េបរៀមច្បងក្នុងផលិតកម្ម YG គឺ G-Dragon ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើទោះបីជាអ្នកទាំងពីរបានចាកចេញពីផលិតកម្ម YG ក្ដីតែ Jennie និង G-Dragon ធ្លាប់ចូលរួមសម្ដែងជាមួយគ្នា ហើយកាលពីឆ្នាំ២០២១ កន្លងទៅ មានសារព័ត៌មានកូរ៉េជាច្រើនបានចុះផ្សាយថា អ្នកទាំងពីរលួចមានទំនាក់ទំនងស្នេហាជាមួយគ្នាលើសពី១ឆ្នាំហើយ ប៉ុន្តែខាងភ្នាក់ងារពុំបានចេញមកបកស្រាយអ្វីឡើយ។

រហូតមកទល់ពេលនេះទាំង Jennie និង G-Dragon សុទ្ធតែមិនមានគូស្នេហ៍នោះឡើយ ហើយថ្មីៗនេះ អ្នកគាំទ្រចាប់បានថាតារាទាំងពីរនាក់ ពាក់ចិញ្ចៀនគូនិងកន្សែងបង់កដូចគ្នាផងដែរ។ កាលទៅសម្ភាសន៍តារាស្រី Billie Ellish នោះ Jennie បានពាក់ចិញ្ចៀនរូបស្រដៀងនឹងក្បាលខ្លាឃ្មុំ ដែលវាដូចទៅនឹងចិញ្ចៀនដែល G-Dragon បានពាក់ពេលចូលរួមសន្និសិទ្ធរបស់ KAIST ។

នៅមិនទាន់អស់ទេ អ្នកគាំទ្រក៏ចំណាំម៉ូតកន្សែងបង់ករបស់ Jennie ដែលនាងបានបង្ហាញនៅក្នុង Youtube តាមរយៈ Vlog ដែលបានបង្ហោះកាលពីដើមឆ្នាំទៅគឺវាមើលទៅ ដូចនឹងកន្សែងបង់ករបស់ G-Dragon ខណៈដែលតារាប្រុសរូបនេះឧស្សាហ៍ចុច Like នៅលើការបង្ហោះរបស់ Jennie ។

យ៉ាងណាមិញ នេះគ្រាន់តែជាការសន្និដ្ឋានគ្មានប្រភពច្បាស់លាស់ប៉ុណ្ណោះ ហើយនឹងរង់ចាំមើលថាមានការបកស្រាយពីភាគីណាម្នាក់ដែរឬទេ៕  

ប្រភព៖: pinkvilla

• រូបភាព
• តារាកូរ៉េ