ភ្នំពេញ ៖ សិល្បករ សិល្បការនីជាច្រើនរូប បានមកចូលរួមកម្មវិធី សន្និសីតសារព័ត៌មានជាផ្លូវការរបស់កម្មវិធី Rapper FIGHTER ដែលជាកម្មវិធី ប្រឡងចម្រៀងរ៉េបដ៏ធំប្រចាំឆ្នាំ ២០២៤ របស់ស្ថានីយទូរទស្សន៍ភីអិនអិន។
ក្នុងកម្មវិធីនេះដែរ ជួបជាមួយនឹង Coach ទាំង ៥ រូប រួមមាន ក្រុមក្មេងខ្មែរ លោក SOCHEAT និង លោក PUNLEUR មានកំពូលតារារ៉េប លោក RUTHKO ជើងខ្លាំងវោហារ៉េប លោក VUTHEA កំពូលស្ទាយសម្លេងរ៉េប លោក KINGCHI គឺសុទ្ធតែតារារ៉េបខ្មែរល្បីៗ បានបង្ហាញឆន្ទៈរួមគ្នា ដើម្បីបណ្តុះបេក្ខជន បេក្ខនារីក្នុងវិស័យចម្រៀងរ៉េប ដោយសុក្រិត និងយុត្តិធម៌ ជាមួយវគ្គជម្រុះចំនួន ៧ វគ្គធំៗ គឺ ONLINE AUDICTION ជម្រុះមកវគ្គ PRE-AUDICTION បន្តជម្រុះមកវគ្គ JUDGE AUDICTION បន្តជម្រុះមកវគ្គ SCREENING STAGE បន្តជម្រុះមកវគ្គ FIGHTING STAGE បន្តជម្រុះមកវគ្គ KILLING STAGE នឹងវគ្គធំចុងក្រោយ SEMI-FINAL រួមជាមួយ FINAL។
វគ្គនីមួយៗមានវិញ្ញាសារពិសេសៗជាច្រើនដែលនឹងធ្វើឱ្យបេក្ខជន និងទស្សនិកជន រំភើបរីករាយពេញចិត្តជាមួយកម្មវិធីថ្មី Rapper FIGHTER នៃស្ថានីយទូរទស្សន៍ភីអិនអិន។
កាន់តែពិសេសចំពោះ ម្ចាស់ជ័យលាភី នឹងគ្រងខ្សែកដ៏ធំ RAPPER FIGHTER ជាមួយប្រាក់រង្វាន់ ៦០ ០០០ ០០០ រៀល (៦០លានរៀល) ចំណែកបេក្ខជនកំពូល ៤រូបទៀត ទទួលបានប្រាក់រង្វាន់ ៥ ០០០ ០០០ រៀល (៥លានរៀល) ក្នុង ១នាក់ លើសពីនេះ មានកុងត្រា Concert ចំនួន ១០លើក និងឱកាសការងារជាច្រើនពី ស្រាបៀរ GANZBERG និងពីស្ថានីយទូរទស្សន៍ភីអិនអិន សម្រាប់បេក្ខជនកំពូល ៥រូបចុងក្រោយ។
កម្មវិធី Rapper FIGHTER ជាកម្មវិធីស្នាដៃរបស់ផលិតករខ្មែរ ដែលមានទំរង់ប្រឌិតផ្ទាល់ខ្លួន មិនចាញ់កម្មវិធីទិញទំរង់ពីបរទេសឡើយ។
ងាយមែនទែន ដើម្បីដាក់ពាក្យចូលរួមប្រឡងចម្រៀងរ៉េប Rapper FIGHTER គ្រាន់តែចុច Link ផ្លូវការ ឬស្កេន QR កូដលើផ្ទាំងផ្សព្វផ្សាយនានារបស់កម្មវិធី រួចបំពេញព័ត៌មាន និងវីដេអូបង្ហាញទេពកោសល្យនៃការរ៉េប ជាមួយការចុះឈ្មោះទិញពាក្យត្រឹមតែ ១ម៉ឺនរៀលប៉ុណ្ណោះ។
តាមរយៈបទបង្ហាញដោយផលិតករដឹកនាំកម្មវិធី Rapper FIGHTER នេះ គឺលោក រ៉ូមីអូ បានឱ្យដឹងថា យើងគ្រាន់តែបើកដំណើរការប្រព័ន្ធចុះឈ្មោះភ្លាម និងផ្សាយផ្សព្វផ្សាយសន្និសីទសារព័ត៌មានថ្ងៃនេះ យើងទទួលបានបេក្ខជនរហូតដល់ទៅ ជិត ១០០ នាក់។ ហើយការដាក់ពាក្យទទួលបេក្ខជននៅតែបន្តរហូតដល់មានការជូនដំណឹងនៅចុងខែសីហា មុខ។
កម្មវិធី Rapper FIGHTER ជាកម្មវិធីស្នាដៃរបស់ផលិតករខ្មែរ ដែលមានទំរង់ប្រឌិតផ្ទាល់ខ្លួន មិនចាញ់កម្មវិធីទិញទំរង់ពីបរទេសឡើយ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
