ទីបំផុត BLACKPINK ត្រឡប់មកវិញជាក្រុមហើយ ជាមួយនឹងគម្រោងថ្មីមួយនេះ

កូរ៉េខាងត្បូង៖ យោងតាមការប្រកាសរបស់ផលិតកម្ម YG Entertainment បានបង្ហើបថា BLACKPINK នឹងវិលត្រឡប់មករួមក្រុមម្ដងទៀត ដើម្បីធ្វើជំនួបជាមួយនឹងអ្នកគាំទ្រ ក្នុងឱកាសប្រារព្ធគម្រប់ខួប៨ឆ្នាំដែលក្រុមបានបង្កើតឡើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែអ្នកដែលអនុញ្ញាតឲ្យចូលរួមមិនមែនទាំងអស់គ្នានោះឡើយ គឺមានតែអ្នកគាំទ្រសំណាងៗប៉ុន្មាននាក់ប៉ុណ្ណោះអាចចូលរួម ខណៈដែលពេលវេលានិងថ្ងៃត្រូវចួបជុំអ្នកគាំទ្រ នឹងប្រកាសនាពេលក្រោយ។

អ្នកដែលចង់ចូលរួម អាចមានឱកាសបានអនុញ្ញាតឲ្យចូលរួមដោយត្រូវមានកាតសមាជិក BLACKPINK ដោយអាចសរសេរសំបុត្រ បង្ហោះរូប ឬគូសរូបទាក់ទងនឹងក្រុម ដោយប្រើ Hashtag ថា #OUR_AREA_WITH_BLINK ដែលអាចបង្ហោះចាប់ពីថ្ងៃទី១៩ដល់ថ្ងៃទី២៦។

គួរបញ្ជាក់ផងដែរថា BLACKPINK បង្ហាញខ្លួនជាក្រុមនៅលើឆាកតន្ត្រីនាថ្ងៃទី៨ខែសីហា៕  

ប្រភព៖: allkpop

• រូបភាព
• តារាកូរ៉េ