DAWN ចេញមកធ្វើបែបនេះភ្លាម ក្រោយឮដំណឹង HyunA ជិតរៀបការជាមួយគូស្នេហ៍ថ្មី

កូរ៉េខាងត្បូង៖ ព័ត៌មានដែលតារាចម្រៀងកូរ៉េ HyunA ជិតនឹងរៀបអាពាហ៍ពិពាហ៍ជាមួយនឹងគូស្នេហ៍ថ្មីគឺលោក Yong Jun Hyung បានផ្ទុះឡើងនាពេលថ្មីៗនេះ បន្ទាប់ពីពួកគេទាក់ទងកាលពីដើមឆ្នាំ២០២៤នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដំណឹងនេះធ្វើឲ្យអ្នកគាំទ្រខ្លះបានសរសេរសារអបអរសាទរដល់ HyunA និងគូស្នេហ៍ ខណៈខ្លះទៀតមានការអាណិតអាសូរទៅដល់លោក DAWN ដែលជាអតីតគូស្នេហ៍ជាង៦ឆ្នាំរបស់កញ្ញា HyunA ជាខ្លាំង។

ស្រាប់តែថ្មីៗនេះ DAWN បានចេញមកបង្កភាពភ្ញាក់ផ្អើល ក្រោយរូបគេបានលុបរូប HyunA និងរូបពាក់ព័ន្ធនឹងនាងទាំងអស់ចេញពីគណនី Instagram ហាក់បីដូចជាចង់ចាប់ផ្ដើមជាថ្មី បូកផ្សំនឹងរូបភាពស្និទ្ធស្នាលខ្លាំងជាមួយនឹងនាង ដែលទង្វើនេះ ធ្វើឲ្យអ្នកគាំទ្រយល់ថា រូបគេចង់គោរពទៅដល់គូស្នេហ៍ថ្មីរបស់ HyunA ។

គួរបញ្ជាក់ផងដែរថា កាលពីឆ្នាំ២០១៩ ពេលចូលរួមកម្មវិធី "Radio Star" គឺ DAWN បានទម្លាយថា ពួកគេបានសន្យាជាមួយគ្នាហើយថានឹងទុករូបរបស់គ្នានឹងគ្នា បើទោះបីជាបែកបាក់គ្នាក៏ដោយ ប៉ុន្តែសុខៗ DAWN បែរជាសម្រេចចិត្តបែបនេះ។ ជាការឆ្លើយតប HyunA ក៏បានលុបរូបភាព DAWN ចេញពីបណ្ដាញសង្គមរបស់នាងផងដែរ៕  

ប្រភព៖: allkpop

• រូបភាព
• តារាកូរ៉េ