Justin ស្រាប់តែធ្វើរឿងមួយនេះ ទៅលើរូបភាពកាលពីជាង ១០ឆ្នាំមុន

បរទេស៖ បើទោះបីជា រឿងស្នេហារបស់ តារាចម្រៀង លោក Justin Bieber និង Selena Gomez បានបញ្ចប់ជាយូរ ខណៈមក​ដល់​ពេល​នេះ អ្នក​ទាំង​ពីរ​មាន​ជីវិត​ថ្មី​ហើយនោះ ប៉ុន្តែ​អ្នក​គាំទ្រ​នៅ​តែ​មានការចាប់អារម្មណ៍ ជាពិសេស ថ្មីៗ​នេះ លោក Justin Bieber បានបង្ក​ការ​ភ្ញាក់​ផ្អើល​ពេញ​បណ្ដាញ​សង្គម ដោយ​សារ​តែ​ លោក​បាន​លុប​រូប​ចាស់ Selena Gomez នៅ​លើ​ទំព័រ​ផ្ទាល់​ខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គេដឹងថារូបភាពនេះ ត្រូវបានតារាចម្រៀងប្រុសរូបនេះ បានបង្ហោះ កាលពីឆ្នាំ ២០១១ ប៉ុន្តែហេតុអ្វី​វបានជារូបលោកស្រាប់តែធ្វើបែបនេះ។ នេះត្រូវបានគេជឿថា មានអ្នកគាំទ្រមួយចំនួន បានប្រើមុខងារថ្មីរបស់ Instagram ដើម្បីជីកយក រូបថតអតីតកាល ដែលបណ្តាលឱ្យ Justin ធ្លាក់ចូលទៅក្នុងភាពលំបាក។

យ៉ាងណាមិញ ទង្វើនេះ បានបង្ហាញថា Justin លែងមានទំនាក់ទំនងស្នេហាជាមួយ Selena ទៀតហើយ ហើយចង់ដោះស្រាយបញ្ហានេះយ៉ាងម៉ឺងម៉ាត់ ដើម្បីកុំឱ្យប៉ះពាល់ដល់ខ្លួន និងប្រពន្ធ Hailey ដែលកំពុងមានផ្ទៃពោះ ។ 

នៅ​លើ​បណ្ដាញ​សង្គម មាន​មនុស្ស​ជា​ច្រើន​គាំទ្រ​ ទង្វើ​របស់ លោក Justin Bieber និងបាន​រិះគន់​ក្រុម​អ្នក​គាំទ្រ​មួយចំនួន ដែលបានជីកកកាយឡើងវិញ ខណៈដែល រូបភាពចាស់នេះ អាចប៉ះពាល់ ដល់ទាំង Justin និងប្រពន្ធរបស់លោក និងរួមទាំង Selena និងគូស្នេហ៍ លោក Benny ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ