ឃើញហើយឡើងផ្អែមល្ហែម ពេល Pooklook ធ្វើបែបនេះ ជាមួយគូស្នេហ៍ ក្នុងថ្ងៃខួបកំណើត

ថៃ៖ អាចនិយាយបានថា ជាឱកាសដ៏គួរឲ្យស្រលាញ់បំផុត ក្នុងកម្មវិធីខួបកំណើតគម្រប់ ៣៤ឆ្នាំ​របស់តារាសម្តែងស្រី Pooklook Fonthip ដោយមានក្រុមគ្រួសារ មិត្តភក្តិជិតស្និទ្ធ និងព្រមទាំងគូស្នេហ៍ លោក Mike Phattharadet បានចូលរួមអបអរខួបកំណើតយ៉ាងកក់ក្តៅនាពេលនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍ នៅក្នុងកម្មវិធីមួយនេះ គូស្នេហ៍របស់ Pooklook លោក Mike  ក៏មិនបានខកខានក្នុងការស្វែងរកកាដូ ដើម្បី Surprise មិត្តស្រីក្នុងថ្ងៃខួបកំណើត ដែលវា​ជា​ខ្សែ​ក​ម៉ាក​ប្រណិត​ដែល Pooklook ចង់បាន ធ្វើ​ឱ្យ​នាងលោត​រាំ​យ៉ាង​រីករាយ។

ទន្ទឹមនឹងសំឡេងពីមិត្តភ័ក្តិថា Mike បានឲ្យរបស់មួយហើយ តើនាងនឹងត្រូវឲ្យអ្វីនោះ ក្រោយមក Pooklook ក៏សម្រេចចិត្ត បង្ហាញសកម្មភាព លុតជង្គង់សុំ Mike រៀបការជាមួយខ្លួន ដោយនិយាយលេងសើចថា «រៀបការជាមួយខ្ញុំ» ហើយបានដោះចិញ្ចៀននៅលើម្រាមដៃរបស់ខ្លួន ហើយបានពាក់វានៅលើម្រាមដៃ Mike ជំនួសវិញ។ ខណៈនោះ ឪពុករបស់ Pooklook ក៏បានក្រោកឈរឡើង ទះដៃ ហើយបានញញឹមយ៉ាងសប្បាយរីករាយ ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ