ព្រោះតែមនុស្សប្រុស អាជីពរបស់ HyunA ធ្លា»-ក់ដុ»-នដាប រហូតបង្ខំចិត្តធ្វើបែបនេះ

កូរ៉េខាងត្បូង៖ អាជីពរបស់តារាចម្រៀងស្រីពូកែរ៉េប HyunA ជាម្ចាស់បទ "Change"ដ៏ល្បីល្បាញហាក់ធ្លាក់ទៅក្នុងភាពដុនដាប បន្ទាប់ពីបានប្រកាសថានាងនឹងរៀបអាពាហ៍ពិពាហ៍ជាមួយនឹងតារាប្រុស Yong Junhyung ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ បន្ទាប់ពីប្រកាសទាក់ទងគ្នាកាលពីដើមឆ្នាំ២០២៤មក HyunA បានបង្ហើបថានាងនិងអតីតសមាជិកក្រុម Beast ឬ B2ST ម្នាក់នេះនឹងដឹកដៃគ្នាចូលរោងការឆាប់ៗ ហើយជំនួសឲ្យមានការសាទរពីអ្នកគាំទ្រ មានមហាជនមួយចំនួនធំបានវាយប្រហារក៏ដូចជារិះគន់ទៅលើរូបនាង ដោយសារ Junhyung ធ្លាប់ជាប់ពាក់ព័ន្ធនឹងរឿងអាស្រូវ Burning Sun ជាក្លឹបកម្សាន្តមាន Seungri អតីតសមាជិក Big Bang ជាម្ចាស់ ដែលបានល្បួងនិងដាក់ថ្នាំមនុស្សស្រីយកទៅបម្រើផ្លូវភេទ។

ឥឡូវនេះ អាជីពរបស់ HyunA ហាក់ធ្លាក់ដល់ដីហើយ បន្ទាប់ពីបានសម្ដែងនៅកម្មវិធី "Summer Night Race" នាថ្ងៃទី១៣កន្លងទៅ ដោយគេសង្កេតឃើញថាគ្មានអ្នកគាំទ្រណាច្រៀងតាម ឬស្រែកហ៊ោនោះឡើយ តែនាងក៏បានសម្ដែងដល់ចប់ផងដែរ។

មិនត្រឹមប៉ុណ្ណោះទេ HyunA ក៏បានបង្ខំចិត្តលុបចោលការប្រគុំតន្ត្រីនៅតំបន់អាមេរិកខាងជើងរបស់នាង ដោយសារតែមិនសូវមានអ្នកទិញសំបុត្រចូលទស្សនា ខណៈដែល HyunA បានលុបនិងដាក់រូបភាពណាដែលទាក់ទងនឹងការប្រគុំតន្ត្រីនេះជា Private ទៀត។

គួរបញ្ជាក់ផងដែរថា HyunA និង Junhyung ទំនងជារៀបការនាថ្ងៃទី១១ខែតុលាខាងមុខ នៅឯ Samcheonggak នាទីក្រុងសេអ៊ូល៕  

ប្រភព៖: allkpop

• រូបភាព
• តារាកូរ៉េ