2NE1 ជិតវិលមកវិញ CL បង្ហោះរូបហឹ»-រហោះ ឡើងហ្វេនជ្រួលច្របល់

កូរ៉េខាងត្បូង៖ CL ដែលជាមេក្រុម 2NE1 ពុំមែនត្រឹមតែជាតារាចម្រៀងរ៉េបដ៏មានទេពកោសល្យនោះទេ តែនាងក៏ប្រៀបដូចជារៀមច្បងម្នាក់ក្នុងវិស័យសិល្បៈ ដែលមានបទពិសោធន៍អង្រួនឆាកតន្ត្រី ខណៈដែលតារាស្រីរូបនេះក៏ធ្លាប់អញ្ជើញមកសម្ដែងនៅក្នុងប្រទេសកម្ពុជាផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ YG បានប្រកាសដំណឹងល្អមួយថា ក្រុមចម្រៀងនារី 2NE1 នឹងវិលត្រឡប់មកវិញជាមួយនឹងការប្រគុំតន្ត្រីពិភពលោក ដែលធ្វើឲ្យអ្នកគាំទ្រមានការញាប់ញ័រភ្ញាក់ផ្អើល និងរីករាយខ្លាំងសឹងតែរង់ចាំមិនបានទៅហើយ។

ឥឡូវនេះ ងាកមកមើលគណនី Instagram របស់ CL វិញគឺនាងបានបង្ហោះរូបនាងបានទៅចូលរួមធ្វើជាភ្ញៀវកិត្តិយសក្នុងការប្រគុំតន្ត្រី "Wet Show" របស់ PSY ដែលក្នុងនោះ CL បានស្លៀកខោរឹបពណ៌ខ្មៅបញ្ចេញត្រគាក ជាមួយនឹងអាវខោប៊យដៃវែងយ៉ាងស្រស់ស្អាត។

ភ្លាមៗបន្ទាប់ពីនាងបានបង្ហោះរូបភាពនេះ មានអ្នកគាំទ្រជាច្រើនបានចូលទៅបញ្ចេញមតិសរសើរនាង និងរង់ចាំមើលថា 2NE1 មានអ្វីថ្មីជាមួយគ្នា៕  

ប្រភព៖: allkpop

• រូបភាព
• តារាកូរ៉េ