ដឹងតែកក្រើក Seohyun ក្រុម SNSD នឹងសម្ដែងក្នុងរឿងភាគថ្មីជាមួយ Taecyeon ក្រុម 2PM

កូរ៉េខាងត្បូង៖ តារាចម្រៀងស្រី Seohyun មកពីក្រុមចម្រៀងនារី Girls' Generation ដែលបច្ចុប្បន្នចាប់អាជីពជាតារាសម្ដែងដែរនោះ ត្រូវបានគេរាយការណ៍ថាកំពុងស្ថិតក្នុងការចរចាមកសម្ដែងនៅក្នុងរឿងភាគថ្មីបែបឆ្លងភព "The First Night With the Duke" ដែលបំប្លែងចេញពី Manhwa ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែអ្វីដែលកាន់តែរំភើបនោះគឺ Taecyeon ដែលជាបុរសសង្ហាប្រចាំក្រុម 2PM ដែលជាតារាសម្ដែងដែរនោះ ត្រូវគេបានគេរំពឹងទុកថានឹងក្លាយជាតួឯកប្រុសរបស់ Seohyun ក្នុងរឿងនេះផងដែរ។

សាច់រឿងនិយាយពីនារីម្នាក់បានឆ្លងសម័យកាលទៅសម័យកណ្ដាលនៅអឺរ៉ុប ហើយបានចំណាយពេលមួយយប់ជាមួយនឹងលោកឧកញ៉ា (Duke) បន្ទាប់មកក៏មានមនោសញ្ចេតនាផ្អែមល្ហែមកើតឡើងរវាងតួទាំងពីរ។

យ៉ាងណាមិញ គេពុំទាន់ដឹងច្បាស់ថា Seohyun និង Taecyeon បានយល់ព្រមចូលរួមសម្ដែងក្នុងរឿងភាគនេះឬនៅទេ មានតែរង់ចាំតាមដានបន្តទៀត៕

ប្រភព៖: allkpop

• រូបភាព
• តារាកូរ៉េ