ចូលរួមពិធីបើកកីឡាអូឡាំពិក Ariana លេងខ្លួនពណ៌ផ្កាឈូក ដូចព្រះនាងគួរឲ្យស្រលាញ់

បារាំង៖ កាលពីថ្ងៃទី២៧ខែកក្កដាកន្លងទៅនេះ កម្មវិធីសម្ពោធព្រឹត្តិការណ៍ប្រកួតកីឡាអូឡាំពិករដូវក្ដៅ ឆ្នាំ២០២៤ ត្រូវបានធ្វើឡើងយ៉ាងអធឹកអធម និងពោរពេញដោយភាពសោមនស្ស នៅឯទីក្រុងប៉ារីស ប្រទេសបារាំង ដោយក្នុងនោះក៏មានអត្តពលិកកម្ពុជាចូលរួមដង្ហែក្បួនតាមទូក នាដងទន្លេសេនស៍ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ងាកមកមើលតារាៗល្បីៗជាច្រើនវិញពួកគេសុទ្ធតែបានទៅចូលរួមបើកព្រឹត្តិការណ៍កីឡានេះ ដូចជា Lady Gaga, John Legend, Tom Cruise ជាដើមសុទ្ធតែបានចូលរួមកម្មវិធីនេះ ដូចគ្នានឹងតារាចម្រៀង Ariana Grande ដែរ។

ក្នុងនោះគេឃើញនាងបានស្លៀករ៉ូបពណ៌ផ្កាឈូកស្រាល ដែលច្នៃម៉ូតដោយ Thom Browne ជារ៉ូបវាលក្លៀក មានបូនៅចំកណ្ដាល ហើយផ្នែកខាងក្រោមក៏សម្រុងប៉ោងៗមើលទៅគួរឲ្យស្រលាញ់ណាស់ ជាពិសេសគឺនាងបានពាក់ស្រោមដៃវែងដល់កំភួនដៃ និងស្បែកជើងកែងពណ៌ដូចឈុត មានបូចងសក់នៅពីខាងក្រោយទៀតរឹតតែធ្វើឲ្យមើលទៅ ដូចព្រះនាងម្ចាស់ដ៏ទន់ភ្លន់ ស័ក្តិសមជាមួយនឹងទម្រង់មុខតូចរបស់នាង៕  

ប្រភព៖: instyle

• ម៉ូត
• រូបភាព
• តារាអន្តរជាតិ