ហ្វេនៗស្រាប់តែចាប់អារម្មណ៍ លើរឿងនេះ ក្រោយ Selena ចេញមកនិយាយ បែបនេះ ពីគូស្នេហ៍

បរទេស៖ កាលពីថ្មីៗនេះ តារាចម្រៀងស្រី Selena Gomez ត្រូវបានគេលើកឡើង ថាបានបង្កើតរឿងផ្ទាល់ខ្លួនរបស់នាង ដោយពាក់ព័ន្ធនឹងមិត្តប្រុសបច្ចុប្បន្ន លោក Benny Blanco និងអតីតគូស្នេហ៍ លោក Justin Bieber ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស នៅក្នុងវីដេអូមួយ ដែលហាក់មានការចំអកចំពោះ លោក Benny ដែលជាគូស្នេហ៍របស់ តារាចម្រៀងស្រី Selena ហើយមូលហេតុដែល លោក Benny តែងតែរងការរិះគន់ពីសំណាក់អ្នកគាំទ្រ Selena គឺដោយសារតែរូបរាងរបស់លោក មិនស៊ីគ្នានឹងមិត្តស្រី។ តែលើកនេះ តារាចម្រៀងស្រីរូបនេះ ស្រាប់តែបានចេញមកនិយាយការពារមិត្តប្រុស ថែមទាំងបានចូលទៅមើលឃ្លីបវីដេអូ TikTok ដែលបានបង្ហោះកាលពី៤ខែមុន ដើម្បីបញ្ចេញមតិថា «ឃ្លីបនេះពិតជាកំប្លែងណាស់ ព្រោះថានៅពេលនោះ ខ្ញុំពិបាកចិត្តខ្លាំងណាស់»។​ តែគួរ​ឱ្យ​កត់​សម្គាល់​ថា សំឡេងតន្ត្រី​​នៃ​វីដេអូ​នេះ​ គឺ​ជា​បទ​ចម្រៀង​ពី​ក្រុមហ៊ុន លោក Justin។

ដោយសារតែបែបនេះ អ្នកលេងអ៊ីនធឺណេត ក៏បានលើកឡើងពី Selena Gomez នៅតែបន្ត សរសេរកំណែចាស់ៗឡើងវិញ។ ហើយទង្វើ​នេះ​ត្រូវ​បាន​គេ​និយាយ​ថា ​ចង់​បង្ហាញ​ថា​ ពេល​ដែល​នាង​មាន​ស្នេហា​ជាមួយ Justin ធ្វើ​ឱ្យ​នាង​ធ្លាក់​ទឹក​ចិត្ត ។ មិនត្រឹមតែប៉ុណ្ណោះ Selena ក៏រងការចោទប្រកាន់ថា មានការប្រច័ណ្ឌ និងខឹងចង់បង្កបញ្ហា ព្រោះតែការលើកឡើងរបស់នាងនេះ គឺ នៅថ្ងៃដែល Justin បង្ហោះឃ្លីបស្និទ្ធស្នាលជាមួយ Hailey Bieber បង្ហាញក្បាលពោះភរិយាយ៉ាងសប្បាយរីករាយ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ