ស្លៀកពាក់សាមញ្ញ មិនផាត់មុខផងតែ ចាង ស៊ីប៊ីយុ នៅតែស្អាត

កូរ៉េខាងត្បូង៖ Yoona ដែលអ្នកស្នេហាវិស័យរឿងភាគរបស់កូរ៉េស្គាល់ក្នុងនាមជាតួអង្គ "ចាង ស៊ីប៊ីយុ" ក្នុងរឿង "អូនជាបេះដូងបង" នោះចាត់ទុកជារៀមច្បងម្នាក់ក្នុងវិស័យសិល្បៈដែលនាងអាចច្រៀងអាចរាំ ព្រមទាំងអាចសម្ដែងបានយ៉ាងល្អផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើនិយាយពីរឿងសម្រស់វិញ ត្បិតថាមានអាយុដល់៣ឆ្នាំហើយតែ នាងនៅតែមានសម្រស់ស្រស់ស្អាតក្មេងជាងវ័យ អាចច្រឡំជាមួយនឹងក្មេងស្រីអាយុ២០ឆ្នាំ ដោយសារតែសម្រស់របស់នាងគឺបែបធម្មជាតិ សមឥតទាស់។ថ្មីៗនេះ នាងបានលេចមុខជាមួយនឹង Tiffany ជាសមាជិកក្រុម Girls' Generation ជាមួយគ្នាក្នុងការទៅទស្សនាក៏ដូចជាលើកទឹកចិត្តលោក Hwang Jun Min ក្នុងការសម្ដែងល្ខោនរឿង "Macbeth"។

នៅក្នុងរូបភាពទាំងនេះ Yoona បានតែងខ្លួនសាមញ្ញខ្លាំងណាស់គឺ ស្លៀកខោខ្លីពណ៌ខ្មៅនិងអាវដៃវែងពណ៌សយ៉ាងស្រស់ស្អាតជាមួយនឹងការទម្លាក់សក់វែងរំសាយ និងមិនផាត់មុខ។ ភ្លាមៗក្រោយពីបានឃើញសម្រស់របស់ Yoona គឺអ្នកគាំទ្របានចូលទៅបញ្ចេញមតិ មិននឹកស្មានថានាងស្អាតបានគ្រប់ប្លង់បែបនេះ៕  

ប្រភព៖: allkpop

• រូបភាព
• តារាកូរ៉េ