ខានឃើញយូរហើយ ចេញមកម្ដង Cecilia Cheung ធ្វើឲ្យហ្វេនៗចាប់អារម្មណ៍ លើរឿងមួយនេះ

កម្សាន្ត៖ តារាសម្ដែងស្រី Cecilia Cheung បានធ្វើឲ្យហ្វេនចាប់អារម្មណ៍ និងមានការសង្ស័យជាច្រើន នៅពេលដែល នាងបង្ហាញមុខលើបណ្ដាញសង្គម បន្ទាប់ពីបាត់មុខអស់មួយរយៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព ​​Sinchew បានបង្ហាញឲ្យដឹងថា កាលពីថ្ងៃទី ២៩ ខែកក្កដា កន្លងទៅនេះ តារាសម្ដែងស្រី Cecilia Cheung បានបង្ហាញខ្លួន នៅក្នុងការផ្សាយផ្ទាល់មួយ នៅហាងសំលៀកបំពាក់របស់នាង។ ខណៈនៅក្នុង​វីដេអូ​នោះ តារាស្រី​រូប​នេះ​ បានពាក់​អាវ​យឺត​ពណ៌​ផ្កាឈូក បង្ហាញរូប​រាង​ស្លីមស្អាត។ មិនត្រឹមតែប៉ុណ្ណោះ នាង​បាន​ជជែក​គ្នា​យ៉ាង​សប្បាយ​រីករាយ ​ជាមួយ​ទស្សនិកជន ប៉ុន្តែ​មិន​បាន​និយាយ​អ្វី​អំពី​ហេតុផល​ ដែលរូបនាងបានបាត់មុខ​មួយរយៈពេលនោះទេ។

គួររំឮកផងដែរថា កាលពីខែសីហាឆ្នាំមុន តារាស្រី Cecilia Cheung បានលុបចោលកាលវិភាគការងាររបស់នាង ដោយសារតែជំងឺ។ ហើយបន្ទាប់ពីជាសះស្បើយ នាងបានទៅអឺរ៉ុប ដើម្បីចូលរួមកម្មវិធី Fashion Week។ បន្ទាប់មក តារាស្រីរូបនេះ បានស្ងាត់អស់រយៈពេលជាងកន្លះឆ្នាំ ដែលតាំង​ពី​ដើម​ឆ្នាំ​នេះ​មក នាង​មិន​បាន​អាប់ដេត​បណ្ដាញ​សង្គម​ផ្ទាល់​ខ្លួន ឬ​បង្ហាញ​ខ្លួន​ក្នុង​ព្រឹត្តិការណ៍​សាធារណៈ​ឡើយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន