ដាក់មួយឈុតនេះ Jisoo ដូចកូនស្រីអភិជន Vibe បែបអឺរ៉ុបៗ

កូរ៉េខាងត្បូង៖ ដូចដែលប្រិយមិត្តបានជ្រាបហើយពីឥទ្ធិពលរបស់សមាជិកទាំងបួនរបស់ក្រុមចម្រៀងនារី BLACKPINK ដែលទោះបីពួកគេបានចាកចេញពី ផលិតកម្ម YG ក្ដីក៏កេរ្តិ៍ឈ្មោះសមាជិកទាំងអស់នៅតែរក្សាភាពល្បាញល្បី ក្នុងនោះ Jisoo ជាបងស្រីធំនៅក្នុងក្រុមនៅតែបន្តភាពលេចធ្លោរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Jisoo បានចេញមកថតផ្សាយពាណិជ្ជកម្មឲ្យម៉ាក DIOR ដែលនាងជាអ្នកតំណាងសាកល ហើយឈុតសម្លៀកបំពាក់និងការតុបតែងខ្លួនរបស់នាង កាន់តែធ្វើឲ្យអ្នកគាំទ្រចាប់អារម្មណ៍ ព្រោះនាងបានស្លៀករ៉ូបអាវពណ៌ខ្មៅរឹបដៃវែង កក្អម គូជាមួយនឹងសំពត់ពណ៌ប្រផេះយ៉ាងស្រស់ស្អាត អ្វីដែលកាន់តែពិសេសនោះ Jisoo បានពាក់មួកប្រភេទ Beret ពណ៌ខ្មៅ ជាមួយនឹងការតុបតែងមុខបែបផ្កាឈូកៗ។

បន្ទាប់ពីបានឃើញរូបភាពដែលនាងបង្ហោះហើយ អ្នកគាំទ្រក៏បានចូលមកសរសើរក៏ដូចជាបញ្ចេញមតិថា Jisoo ស្រស់ស្អាតសណាស់ពេលលេងស្ទាយ៍បែបអឺរ៉ុបៗបែបនេះ៕  

ប្រភព៖: allkpop

• រូបភាព
• តារាកូរ៉េ