រៀបការយូរហើយ ម្ដងនេះ Son Ye Jin និងស្វាមី ចេញមកកម្សាន្តជាមួយគ្នា យ៉ាងមានក្ដីសុខ

កម្សាន្ត៖ ធ្វើឲហ្វេនៗជាច្រើនចាប់អារម្មណ៍ ក្រោយគូស្វាមីភរិយា នៅក្នុងវិស័យសិល្បៈដ៏ល្បី តារាស្រី Son Ye Jin និង លោក Hyun Bin បាន​ណាត់​ជួបគ្នា​នៅ​ហាង​កាហ្វេ​មួយ​កន្លែង នៅ Gangnam កាល​ពី​ចុង​ខែ​កក្កដាកន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរូបភាពដែលត្រូវបានថត ដោយអ្នកដំណើរ ដែលបានបង្ហាញនៅលើបណ្តាញសង្គម តារាសម្តែង Son Ye Jin និង លោក Hyun Bin កំពុងឈរនៅមុខតូបមួយ ខណៈដែលអ្នក​ទាំង​ពីរ​ បាន​បង្ហាញខ្លួន ស្លៀក​សម្លៀក​បំពាក់​បែបរលុងៗយ៉ាងសាមញ្ញ ។

មិនត្រឹមតែប៉ុណ្ណោះ មនុស្សមួយចំនួនបានបង្ហើបថា Son Ye Jin និង Hyun Bin បានយកកូនរបស់ពួកគេទៅជាមួយ ប៉ុន្តែកូនរបស់អ្នកទាំងពីរ មិនបានបង្ហាញខ្លួននៅក្នុងរូបភាពនោះឡើយ។

អាចនិយាយបានថា បន្ទាប់ពីរៀបការរួច Son Ye Jin បានកាត់បន្ថយការងាររបស់នាង ហើយចំណាយពេលភាគច្រើន ជាមួយគ្រួសាររបស់ខ្លួន ខណៈដែល នាង និងស្វាមីតែងតែទៅណាត់ជួបគ្នា កាហ្វេ បោះជំរុំ នៅចុងសប្តាហ៍ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ