ស្ងាត់ៗ Britney Spears ចេញមកកម្សាន្តជាមួយនឹងអតីតគូស្នេហ៍ ម្នាក់នេះ

បរទេស៖ តារា​ចម្រៀងស្រី Britney Spears ត្រូវបានគេរាយការណ៍ថា បានចេញមកកម្សាន្ត ​ទៅ​ញ៉ាំ​អាហារ​ពេល​ល្ងាច​ ជាមួយ​អតីត​មេផ្ទះ Paul Soliz និងត្រូវបានគេស្គាល់ថាជា អតីតគូស្នេហ៍របស់តារាស្រីរូបនេះ ប៉ុន្មាន​សប្តាហ៍​បន្ទាប់​ពី ​នាងបាន​និយាយ​ថា ​នាង​បាន​បញ្ចប់​ទំនាក់ទំនងនឹងគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅល្ងាចថ្ងៃទី ៣០ ខែកក្កដា តារាស្រី Britney ត្រូវបានគេឃើញថា បានចាកចេញពីភោជនីយដ្ឋានដ៏ល្បីល្បាញមួយនៅ Malibu ។ ខណៈដែលប្រភពព័ត៌មាន បានរាយការណ៍ថា អមជាមួយតារាចម្រៀងស្រីរូបនេះគឺមាន លោក Paul Soliz និងក្រុមគ្រួសារ ហើយពួកគេ ពិតជាមាន​អារម្មណ៍​រីករាយ ក្រោយពីញ៉ាំ​អាហារ​ពេល​ល្ងាច ហើយបន្ទាប់មក Paul Soliz បានបើកឡានជូន Britney ទៅផ្ទះ។

ជាមួយគ្នានេះដែរ ការចេញមកបង្ហាញខ្លួនលើកនេះ តារាស្រី Britney បាន​ពាក់​អាវ​ផ្កា​ពណ៌​ស្វាយ និង​ខោ​ខ្លី​ពណ៌​ស ខណៈដែលរូបនាង ហាក់​ចង់​គេច​ពី​ការ​ចាប់​អារម្មណ៍​ នៅពេល​ពាក់​មួក និង​វ៉ែនតា​ការពារ​ថ្ងៃ។ ចំំណែកឯ Paul បានជ្រើសរើសអាវយឺតពណ៌ស អាវក្រៅពណ៌ខៀវលាយពណ៌ស ជាមួយនឹងខោខូវប៊យ និងស្បែកជើងប៉ាតា។

កាលពីដើមខែកក្កដា Britney បានបង្ហោះនៅលើ Instagram បញ្ជាក់ថា នាងនៅលីវហើយ។ ហើយនៅពេលមុននេះ នៅក្នុងការបង្ហោះនៅលើ Instagram Story តារាប៉ុបរូបនេះ បានចោទប្រកាន់ Paul Soliz ថា បានទាញយកប្រយោជន៍ពីនាង ដោយលួចលាក់សហការជាមួយអ្នកថតរូប ដើម្បីថតរូបពួកគេជាច្រើនដង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាអន្តរជាតិ