បានមេដាយមាសហើយចាំអង្កាល់ អត្តពលិកចិនរូបនេះសុំមិត្តស្រីរៀបការ ឡើងផ្អើលអ្នកទស្សនា (មានវីដេអូ)

បារាំង៖ កាលពីថ្ងៃសុក្រទី២ខែសីហាកន្លងទៅ អត្តពលិកចិនចំនួនពីររូបនៅព្រឹត្តិការណ៍អូឡាំពិក ឆ្នាំ២០២៤ បានចេញមកបង្កភាពភ្ញាក់ផ្អើល និងរំភើបដល់អ្នកទស្សនាជុំវិញពិភពលោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ កញ្ញា Huang Yaqiong និងលោក Zheng Ziwei ដែលជាមិត្តរួមក្រុម និងជាអត្តពលិកផ្នែកកីឡាវាយសី របស់ចិន បានចូលរួមប្រកួតទល់នឹង កូរ៉េខាងត្បូង គឺលោក Kim Wonho និង កញ្ញា Jeong Naeun ដោយបញ្ចប់ការប្រកួតខាងចិនបានយកឈ្នះកូរ៉េខាងត្បូង 21-8 និង 21-11 ។

ជាក់ស្ដែងកញ្ញា Huang Yaqiong និងលោក Zheng Ziwei បានឈ្នះមេដាយមាសលើវិញ្ញាសាមួយនេះ តែអ្វីដែលគួរឲ្យរំភើបនោះគឺកញ្ញា Huang Yaqiong បានទទួលមេដាយប្រាក់មួយទៀត... គឺចិញ្ចៀនរៀបការ!

បន្ទាប់ពីកញ្ញាបានទទួលមេដាយមាសរួច អត្តពលិកចិនម្នាក់ទៀតគឺលោក Liu Yuchen ដែលជាមិត្តប្រុសកញ្ញា Yaqiong បានលុតជង្គង់ម្ខាងទាញយកចិញ្ចៀនពេជ្រមកសុំកញ្ញារៀបការនៅនឹងមុខអ្នកទស្សនានិងអត្តពលិកឯទៀតធ្វើឲ្យមានការភ្ញាក់ផ្អើលនិងសាទរជាខ្លាំង។

កញ្ញា Yaqiong បានឆ្លើយយល់ព្រមរៀបការជាមួយនឹងលោក Yuchen ដែលបានឈ្នះមេដាយប្រាក់នៅព្រឹត្តិការណ៍អូឡាំពិកឆ្នាំ២០២០ និងកំពុងប្រកួតលើវិញ្ញាសាវាយរ៉ាកែតនេះនៅព្រឹត្តិការណ៍អូឡាំពិក២០២៤ដូចគ្នា៕

"I’ll love you forever! Will you marry me?"
"Yes! I do!"

OMG!!! Romance at the Olympics!!!❤️❤️❤️

Huang Yaqiong just had her "dream come true", winning a badminton mixed doubles gold medal?with her teammate Zheng Siwei

Then her boyfriend Liu Yuchen proposed! ??? pic.twitter.com/JxMIipF7ij

— Li Zexin (@XH_Lee23) August 2, 2024

ប្រភព៖: koreaboo

• រូបភាព
• តារាចិន