សាន់ឆាយ និងស្វាមី បែរជាស្នាក់នៅ កន្លែងមួយនេះ ពេលទៅកម្សាន្តនៅកូរ៉េ

កម្សាន្ត៖ តារាសម្ដែងស្រី Barbie Hsu និងកូនទាំងពីរ ត្រូវបានគេរាយការណ៍ថា បានស្នាក់នៅសណ្ឋាគារ កំឡុងពេលទៅប្រទេសកូរ៉េ ដើម្បីសម្រាក និងទៅលេងគ្រួសារស្វាមី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើយោងតាមប្រភព Sohu បានឲ្យដឹងថា ពេលត្រឡប់មកប្រទេសកូរ៉េលើកនេះ លោក DJ Koo និង ភរិយា Barbie Hsu បានជួលបន្ទប់សណ្ឋាគារមួយកន្លែង ដើម្បីស្នាក់នៅ ជំនួសការស្នាក់នៅ ផ្ទះវីឡាមាត់ទន្លេរបស់គ្រួសារខាងប្រុស។ មិនត្រឹមតែប៉ុណ្ណោះ សណ្ឋាគារលំដាប់ផ្កាយ ៥ដែលគូស្វាមីភរិយានេះ បានជួល មានទីតាំងនៅតំបន់ថ្លៃៗនៃទីក្រុងសេអ៊ូល ដែលតម្លៃជួល គឺប្រហែលជាង ៣០០ ដុល្លារក្នុងមួយយប់ ដែលជាប្រភេទបន្ទប់ថោកបំផុត ហើយ នៅលើទំព័រ​ផ្ទាល់​ខ្លួន លោក DJ Koo ក៏បាន​បង្ហោះ​រូប​ថត ចូលនៅ​បន្ទប់​សណ្ឋាគារ ទៀតផង។

យ៉ាងណាមិញ ការដែល តារាស្រី Barbie Hsu និងកូនទាំងពីរស្នាក់នៅក្នុងសណ្ឋាគារមួយ ពេលទៅលេងប្រទេសកូរ៉េ ដើម្បីសួរសុខទុក្ខគ្រួសារស្វាមីរបស់នាង បានបង្កការភ្ញាក់ផ្អើលពេញបណ្តាញសង្គម។ ទស្សនិកជនជាច្រើន បាននិយាយថា តារាស្រីរូបនេះ ហាក់ដូចរស់នៅឆ្ងាយពីគ្រួសារប្តី ឯខ្លះទៀតថា ធ្វើដំណើរជាមួយកូន២នាក់ ដូច្នេះការស្នាក់នៅផ្ទះ លោក DJ Koo ហាក់បីដូចជា មិនមានភាពងាយស្រួល ផងដែរ។ 

យោងតាម ​​Sinchew អាពាហ៍ពិពាហ៍របស់ Barbie Hsu និង DJ ​​Koo មានភាពស្ងប់ស្ងាត់ និងសាមញ្ញ ខណៈដែលអ្នក​ទាំង​ពីរ​ តែង​តែទៅ​ដើរ​លេង​ជាមួយ​គ្នា​ជា​ញឹក​ញាប់ ហើយតារា​ស្រី​រូប​នេះ ​ស្ទើរ​តែមិន​បង្ហាញ​ខ្លួន​នៅ​មុខ​ប្រព័ន្ធ​ផ្សព្វផ្សាយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន