ក្រោយពី បែ»-កគ្នា ជាមួយនឹង Baifern មួយរយៈ Nine ត្រូវគេចាប់អារម្មណ៍ លើរឿងនេះ

ថៃ៖ ដូចដែលបានដឹងហើយថា កាល​ពី​ដើម​ខែ​កក្កដាកន្លងទៅ តារាសម្ដែងប្រុស លោក Nine Naphat បាន​ធ្វើ​សន្និសីទ​កាសែត បញ្ជាក់ពី ការបញ្ចប់ចំណងស្នេហ៍ជាមួយនឹង អតីតមិត្តស្រី Baifern ដែលបង្កឱ្យមហាជនមានការភ្ញាក់ផ្អើល ហើយមួយរយៈចុងក្រោយនេះ ស្ថានភាពរបស់ Nine ក៏ទទួលបានការចាប់អារម្មណ៍ខ្លាំងពីសំណាក់មហាជន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗ​នេះ ​តារា​ប្រុស​រូប​នេះ​ បាន​ចូល​រួម​កម្មវិធី​ថត​កុន​មួយ​ ដែលការ​បង្ហាញ​ខ្លួន​របស់​លោក បាន​ទាក់ទាញ​ការ​ចាប់​អារម្មណ៍​ ជា​ពិសេស​ពី​ប្រព័ន្ធ​ផ្សព្វផ្សាយ និង​ទស្សនិកជន។ នៅក្នុងរូបរាងដ៏កម្រ ក្រោយពេលបែកបាក់ស្នេហា Nine ត្រូវបានគេកត់សម្គាល់ឃើញថា មានសភាពស្លេកស្លាំង និងស្គមជាងមុន ដែលធ្វើឱ្យអ្នកជុំវិញខ្លួនព្រួយបារម្ភ។

តែទោះជាយ៉ាងណា នៅពេលចែករំលែកជាមួយសារព័ត៌មាន តារាប្រុសរូបនេះ ក៏បានសារភាពថា ខ្លួនបានស្រកទម្ងន់ថ្មីៗនេះ។ ហើយរូបលោក ក៏បានបដិសេធភ្លាមៗ នៅពេលអ្នកសារព័ត៌មាន លើកឡើងពីមូលហេតុមកពីស្នេហាបរាជ័យជាមួយ Baifern ដោយបានប្រាប់ថា «ខ្ញុំក៏មានអារម្មណ៍ថា ខ្ញុំស្រកទម្ងន់ច្រើនដែរ ប៉ុន្តែខ្ញុំមិនមែនស្គម ព្រោះជីវិតផ្ទាល់ខ្លួននោះទេ។ ថ្មីៗនេះ ខ្ញុំ​កំពុង​សម្រក​ទម្ងន់ ​ដើម្បី​រៀបចំ​គម្រោង​ថ្មី​នៅ​ចុង​ឆ្នាំ​នេះ»។

យោងតាមលោក Nine Naphat បានឲ្យដឹងថា បច្ចុប្បន្ននេះ លោកបានជម្នះភាពសោកសៅ នៃចំណងស្នេហ៍ដែលបែកបាក់បានខ្លះហើយ ហើយកំពុងតែស្ថិតក្នុងអារម្មណ៍រីករាយកាន់តែខ្លាំង។ អ្វី​ដែល​គួរ​ឲ្យ​កត់​សម្គាល់​នោះ តារា​សម្ដែង​រូប​នេះ ​ក៏​បាន​និយាយ​ថា ខ្លួន និង Baifern បាន​ផ្ដាច់​ទំនាក់ទំនងស្នេហា​គ្នា​ទាំង​ស្រុង ពួកគេលែងជួបនិងទាក់ទងគ្នាទៀតហើយ។ ការលាតត្រដាងរបស់ Nine បានបង្ហាញថា ទាំងលោក និង Baifern បានសម្រេចចិត្តថា បែកគ្នា និងមិនវិលត្រឡប់មកត្រូវរ៉ូវគ្នាម្តងទៀតទេ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាថៃ