ការប្រគុំតន្ត្រីរបស់ Taylor Swift នៅ អូទ្រីស ត្រូវបានលុបចោល ដោយសារមានអំពើភេរវ»-កម្ម

កម្សាន្ត៖ ការប្រគុំតន្ត្រី "The Eras Tour" ទាំងបីរបស់តារាចម្រៀងផបអាមេរិកល្បីឈ្មោះ Taylor Swift នឹងត្រូវបានលុបចោល បន្ទាប់ពីបុរសពីរនាក់ត្រូវបានចាប់ខ្លួនពីបទគ្រោងធ្វើអំពើភេរវកម្ម នៅឯកីឡដ្ឋាន Ernst Happel ឯទីក្រុងវៀនណា ប្រទេសអូទ្រីស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខាង Barracuda Music ដែលជាភាគីទទួលខុសត្រូវរៀបចំ The Eras Tour នៅឯទីក្រុងវៀនណា បានបញ្ជាក់ឲ្យដឹងថា ការប្រគុំតន្ត្រីត្រូវបានលុបចោល ដោយគិតលើសុវត្ថិភាពរបស់អ្នកទាំងអស់គ្នា ខណៈដែល Taylor Swift ពុំទាន់បានចេញមុខមកនិយាយពីហេតុការណ៍នេះឡើយ។

ខណៈពេលនេះដែរសំបុត្រទាំងអស់នឹងមានការបង្វិលប្រាក់ត្រឡប់ទៅអ្នកទិញវិញ ហើយគេពុំទាន់ដឹងទេថាការប្រគុំតន្ត្រីនេះនឹងកំណត់ថ្ងៃធ្វើឡើងវិញឬយ៉ាងណានោះទេ។

បុរសដែលត្រូវបានចាប់ខ្លួននោះមានម្នាក់មានអាយុ១៩ឆ្នាំ មានវត្ថុកែច្នៃ ដែលជឿថាអាចបង្កគ្រោះថ្នាក់និងសម្រាប់យកទៅប្រើប្រាស់លើអំពើភេរវកម្ម ស្របពេលពួកគេទាំងពីរសុទ្ធតែមានទំនាក់ទំនងជាមួយនឹងខាងក្រុមឥស្លាមជ្រុលនិយមកាលពីដើមខែកក្កដា៕

ប្រភព៖: pagesix

• រូបភាព
• តារាអន្តរជាតិ